Ońtústikte qurylys materıaldarynyń kóbisi shetelden ákelinedi

ShYMKENT. 25 qańtar. Shymkentte ótken kásipkerler forýmynda qurylysqa paıdalanylatyn materıaldardyń 80 paıyzy shetelden tasymaldanatyny aıtyldy. Bul týraly egemen.kz tilshisi habarlady.

Bul – jaqsylyq emes. Al, otandyq óndirýshiler sheteldik qurylys materıaldarynyń ornyna sapaly ári baǵasy arzan qandaı ónim usyna alady? Kásipker Gúlnar Joldybaeva ıilgish tas óndirýimen aınalysady. Tehnologııasyn Máskeýden úırenip kelgen kásipker ıilgish tastyń 40 gradýs aıaz men 50-60 gradýs ystyqqa tózimdi, salmaǵy jeńil, órtenip ketý qaýpi joq ekendigin aıtady. Baǵasy sharshy metrine – 2500 teńge. Al, osyǵan uqsas túrkııalyq ónim 1400 myń teńge bolsa, Reseıdiki 10 myń teńge, Germanııa materıaly sharshy metrine 60 dollardan aınalady. Iаǵnı, otandyq taýar óndirýshilerge qoldaý bolsa sheteldik ónimge myqty básekeles bola alady. Baqtııar Taıjan. Derek, sýret: egemen.kz