Jańarǵan derekqor

Qazaqstan Respýblıkasynyń Qorǵanys mınıstrligi Qarý-jaraqty baqylaý jáne ınspeksııany qamtamasyz etý jónindegi ortalyǵynyń ókilderi Eýropadaǵy kádimgi qarýly kúshter týraly shartqa (EKQKSh) qatysýshy memleketter qarýly kúshteriniń habardar etilgen qurylymy boıynsha semınarǵa qatysty. Semınar NATO-nyń Brıýsseldegi shtab-páterinde ótti. Atap ótilgendeı, semınar maqsaty derekter qoryna engize otyryp, NATO-ǵa qatysýshy memleketter men seriktes elderdiń qarýly kúshteri týraly derekterdi jańartý bolyp tabylady. Kezdesý barysynda qazaqstandyq delegasııa 2016 jylǵa arnalǵan derekti jańartty, birqatar eki­jaqty kezdesýlerdi ótkiz­di. Elimiz Qarýly Kúsh­teriniń ókilderi «Verity» derek­qory­men jumys jasaý týraly qa­jetti málimetterdi aldy. De­rek­qordyń ózi jeke quramnyń, qarý-jaraq pen tehnıkanyń sanyn, qatysýshy memleketter arasyndaǵy júrgiziletin ınspeksııalar týraly esepterdi qosa eseptegende, EKQKSh sheń­­berinde aqparat júrgizýge arnalǵan. Búgingi tańda Eýropadaǵy kádimgi qarýly kúshter týra­ly shartqa qatysýshylar Qazaq­stan, Reseı, Armenııa, Ázer­baıjan, Belarýs, Bel­gııa, Bol­garııa, Ulybrıtanııa, Ven­­grııa, Germanııa, Grekııa, Grý­zııa, Danııa, Islan­dııa, Is­pa­nııa, Italııa, Lıýksem­býrg, Mol­­dova, Nıder­land, Norve­gııa, Pol­sha, Por­tý­galııa, Rý­my­nııa, Slo­vakııa, Túr­kııa, Ýkraı­na, Fran­sııa já­ne Chehııa, son­daı-aq, AQSh pen Kanada bo­lyp ta­by­la­tynyn aıta ketken jón. Shartqa sáıkes, ony qoldaný aýdany – aral aýmaqtaryn qos­qanda, Atlant muhıtynan bastap Oral taýlary, Oral ózeni­nen Kaspıı teńizine deıin­gi aýmaq. Qatysýshy memle­ketterde kádimgi qarý-jaraq pen jaýyngerlik tehnı­ka­nyń teń sanynyń bolýyna ruq­sat etiledi. Bul rette, olar­dyń jalpy jıyntyq sany 40 myń jaýyngerlik tank­ten, 60 myń jaýyngerlik bron­dal­ǵan mashınadan, 40 myń artıl­le­rııa­lyq qurylǵydan, 13 600 jaýyn­gerlik ushaq pen 4 000 joı­ǵysh tikushaqtan as­paýy tıis. «Egemen-aqparat».