Senat depýtaty Georgıı Kım Strasbýrgte Eýropa Keńesi Parlamenttik Assambleıasynyń jyl saıynǵy sessııasynyń birinshi bóligine qatysty, dep habarlady Parlament Senatynyń baspasóz qyzmeti.
Forým aıasynda senator Assambleıadaǵy Lıtva delegasııasynyń músheleri Bırýte Vesaıte, Emanýelıs Zıngerıs, Gedımınas Iаkavonıs, Dalıa Kýodıte jáne Dangýte Mıkýtıenemen kezdesti.
Parlamentaralyq ózara is-qımyl, Qazaqstandy 2017-2018 jyldarda BUU Qaýipsizdik Keńesine turaqty emes múshesi bolýǵa saılaýdyń keleshegi jáne Astanada ótetin EKSPO-2017 halyqaralyq kórmesine Lıtvanyń qatysýy máseleleri talqylandy.
Odan basqa, G.Kım bolgar parlamentshilerimen jumys babyndaǵy kezdesý ótkizip, ekijaqty yntymaqtastyq pen parlamentaralyq únqatysý qalyptastyrý máselelerin talqylady. EKPA-daǵy bolgar depýtattary parlamentaralyq yntymaqtastyqty keńeıtýge jáne tereńdetýge ázirligin jetkizdi, sondaı-aq, Álemdik jáne dástúrli dinder lıderleriniń sezi Hatshylyǵynyń XV otyrysy qarsańynda 2016 jylǵy 31 mamyrda Astanada ótetin «Din terrorızmge qarsy» halyqaralyq konferensııasy jumysyna qatysýǵa tilek bildirdi.