Sot júıesiniń damýy

elimizdegi júrgizilip jatqan reformalardyń jańǵyryǵy Prezıdent janyndaǵy Or­talyq kommýnıkasııalar qyzmetinde «Ult Jospary aıa­syndaǵy sot júıesiniń damýy­na sarapshylyq kózqaras: taldaý, keleshegi men yqtımal táýekelderi» taqyrybynda dóńgelek ústel ótti. Oǵan Jo­ǵar­ǵy Sot sýdıalary, quqyq qorǵaý salasynyń mamandary, zańgerlik jáne ǵylymı qaýym­dastyqtyń ókilderi, úki­mettik emes uıymdardyń jetek­shileri jáne Sot tóreligi ıns­tıtýtynyń magıstranttary qatysty. Dóńgelek ústel otyrysynda elimizdegi sot júıesiniń da­mýy, Qazaqstannyń eń bas­ty qundylyǵy adam jáne onyń ómiri, quqyqtary men bostandyqtary aıtylyp, Elba­synyń «100 naqty qadam» – Ult Josparynyń júzege asyrylý barysy talqylandy. Bul turǵyda sóz alǵan Joǵarǵy Sot sýdıasy Baǵlan Maqulbekov elimizdiń egemendikke qol jetkizgen jyldarynan bergi sot júıesiniń qalyptasýy men damýyn, halyqtyń sýdıalarǵa degen senimin atap ótti. Sondaı-aq, ol «100 naqty qadamdaǵy» otandyq sot júıesin túbegeıli ózgertýge baǵyttalǵan 11 qadam­nyń iske asyrylý barysyna toqtaldy. «100 naqty qadam» – Ult Josparynda kórsetilgendeı, sot júıesin damytý, adam quqyǵy men bostandyqtaryn qalyptastyrý, halyqtyń seni­minen shyǵý baǵyttary bo­ıynsha Joǵarǵy Sot pen barlyq óńirdegi sýdıalar qy­rýar sharýalar atqaryp keledi. Elimizde sotqa shaǵym tú­sirgen talapkerdiń talap-aryzyn qanaǵattandyrý, ádil úkim shyǵarý sekildi júıe­ler qazaqstandyqtardyń demo­kratııalyq qoǵamda ómir súrip otyrǵanyn bildiredi. Biz, atalǵan 11 qadamnyń iske asyrylýyna basymdyq berip, sot salalaryn ońtaılandyrýǵa aı­ryqsha nazar aýdaryp kelemiz, – dedi. Sondaı-aq, Joǵarǵy Sot sýdıasy alqa bıler soty qol­danylatyn salalardy ke­ńeıtý, sotta aıyptalýshy men qorǵaýshy arasyndaǵy teń­gerimdi qamtamasyz etý, sýdıa­lyqqa úmitkerlerge qoıylatyn biliktilik talaptary men irikteý kezeńin qatańdatý sekildi máselelerdi ortaǵa saldy. Bul oraıda Bas prokýratýranyń Sottarda memleket múddesine óki­lettilik etý departamenti basshysynyń orynbasary M. Ábishev sóz alyp, óz oıyn bildirdi. Ol azamtattyq proseske prokýrordyń qa­ty­sýyn qysqarý týraly usy­nysyn aıtyp, sot júıe­sind­egi qadaǵalaýshy organ­nyń qyzmetin baıandady. Pro­kýrordyń paıymdaýynsha, elimizdegi sot júıesinde já­ne damýynda halyqaralyq stan­dartqa saı ilgerileýshilik bar kórinedi. – Bul, árıne, ilkimdi isterdiń irgesinde turǵan sýdıalar men prokýrorlardyń jemisti eń­begi, nátıjeli jumysy, – dedi M.Ábishev. Jalpy, dóńgelek ús­tel­ge qatysýshylar sot júıe­sinde júrgizilip jatqan re­formalardyń tájirıbelik mańyzdylyǵyn, «100 naqty qadam» Ult Josparyndaǵy atalǵan 11 qadamnyń iske asy­rylý tetikteri týrasynda óz oı-pikirlerin tarqatty. Jıynnyń qorytyndysynda sóz alǵan Joǵarǵy Sot janyndaǵy Sot­tardyń qyzmetin qamta­ma­syz etý departamenti bas­shysynyń orynbasary J.Ábdıev: – «Ult Jospary» zań ús­tem­digin qamtamasyz etýge, aza­mattardyń quqyqtary men múddelerin qorǵaýdaǵy sottar jumysyn jańa deńgeıge kóterýge múmkindik beredi. Bes ınstıtýttyq refor­manyń eń basty tájirıbelik qundylyǵy da osynda, – dedi. Talǵat RAIYMBEK, «Egemen Qazaqstan». ASTANA.