QOSTANAI. 10 aqpan. Qostanaı qalalyq aýrýhanasynda aqpan aıynyń basynan bastap ınsýlt ortalyǵy jumys isteı bastady. Bul oblystaǵy osyndaı úshinshi ortalyq bolyp esepteledi. Bul týraly ng.kz saıtyna silteme jasaǵan egemen.kz tilshisi habarlady.
Oblysta úsh osyndaı ortalyq bolsa da, adamdardyń osy aýyr naýqasqa shaldyǵýy azaıǵan da, ózgergen de joq. Osyǵan oraı jýrnalıster saýalyna oblystyq densaýlyq saqtaý basqarmasynyń basshysy Oral Bekmuhambetov qalalyq aýrýhana janynan ınsýlt ortalyǵynyń ashylýy osy aýrýǵa shaldyqqan naýqastardy qalalyq aýrýhanaǵa baǵyttaý ǵana ekenin túsindirdi.
Oblystyq densaýlyq saqtaý basqarmasynyń basshysy Oral Bekmaǵambetov: «Insýlt ortalyǵynda eń bastysy zamanaýı jabdyqtar bolýy tıis. Kezinde alǵashqy ınsýlt ortalyǵy nege oblystyq aýrýhanadan ashyldy deısiz? О́ıtkeni onda angıograf, kompıýterlik jáne magnıttik-rezonanstyq tomograftar boldy. Qostanaı qalasynda ınsýltpen aýyrǵandardyń 60 paıyzyn sonda jiberetinbiz. Al oblystyq aýrýhana aýdandardan kelgen aýyr naýqastardy emdeýge baǵyttalǵan. Sondyqtan Qostanaı qalalyq aýrýhanasy óz pasıentterin joǵary tehnologııalyq tekserýge kompıýterlik tomografy bar jekemenshik medısına mekemelerimen kelisim jasaý úshin oblystyq aýrýhana bıýdjetinen 105 mıllıon teńgeni alyp otyrmyz», – dedi.
Basqarma basshysynyń aıtýynsha, bıyl jyl aıaǵyna deıin Qostanaı qalalyq aýrýhanasyndaǵy ınsýlt ortalyǵynyń ózine de kompıýterlik tomografııa alynady.
N.Járimbetova.
Derek, sýret: ng.kz.