ASTANA. 10 aqpan. Bolıvııadaǵy kólemi jaǵynan ekinshi oryn alatyn eń iri Poopo kóli tartylyp qaldy. Bul týraly ria.ru saıtyna silteme jasaǵan egemen.kz tilshisi habarlady.
«EKA Proba-V shaǵyn jer serigi kúndelikti kóldiń tartylyp jatqan sýretterin túsirdi. Sýdyń býlanyp jatqan sátteri anyq kórsetilgen», – dep Eýropalyq ǵarysh agenttigi málimdedi.
Kóldiń jalpy kólemi osyǵan deıin 3 myń shaqyrym aýmaqty qamtyǵan. Al tereńdigi 3 metr bolatyn. Poopo osyǵan deıin 1994 jyly da tartylyp qalǵan. Degenmen ýaqyt óte kele sýǵa qaıta toldy. Bul joly sarapshylar kóldiń burynǵy qalpyna kelýi uzaq jyldarǵa sozylatynyn aıtty. Tipti, joıylyp ketýi múmkin degen boljamdy da joqqa shyǵarmady.
Aıan Ábdýálı.
Derek: ria.ru.
Sýret: fishki.net.