Qazaqstan halqy Assambleıasy

saılaıtyn depýtattardy saılaý úderisi qalaı júzege asyrylady? Keshe Ortalyq saılaý komıssııasynyń múshesi Tatıana Ohlopkova Qazaqstan halqy Assambleıasy saılaıtyn Parlament Májilisiniń depýtattaryn saılaý tártibi týraly brıfıng ótkizdi. OSK múshesiniń habardar et­kenindeı, Qazaqstan halqy As­sambleıasy saılaıtyn Májilis de­pýtattaryn saılaýdy ázirleý men ótkizý jónindegi negizgi is-sharalardyń kúntizbelik jospary Ortsaılaýkomnyń 2016 jyl­ǵy 20 qańtardaǵy otyrysynda beki­tilgen. Atalǵan josparǵa sáıkes Májilis depýtattyǵyna kan­dı­dattardy usyný 20 aqpan­­da bastalyp, 29 aqpanda aıaq­ta­lady. Al Qazaqstan halqy Assam­bleıasy saılaıtyn Má­ji­lis depý­tattyǵyna kandı­dattarǵa qoıy­latyn talaptar­dyń partııalyq tizim­der boıyn­sha saılanatyn Má­jilis depý­tattyǵyna kandı­dat­tarǵa qoıy­latyn talap­tardan aıyr­mashy­lyǵy joq. Kan­dı­dattar­dy usy­ný quqyǵy Qazaqstan halqy Assam­bleıasyna sessııalar ara­syn­daǵy kezeńde basshylyq ete­tin jáne qazirgi ýaqytta 67 adam­­nan turatyn QHA Keńesine tıesili. «Kandıdattardy tirkeýdi Ort­­saılaýkom 29 aqpan - 5 naýryz aralyǵyndaǵy kezeńde júr­­gi­zedi, – dedi T.Ohlopkova ári qa­raı. – Assambleıa saılaıtyn Má­­jilis depýtattyǵyna kandı­­dattar saılaý jarnasyn tóle­­meıdi jáne saılaý qoryn qur­­maıdy. Assambleıanyń joǵary bas­qa­rýshy organy – ses­sııany Qazaq­stan Respýblı­kasynyń Prezı­denti shaqyrady. Ses­sııany sha­qyrý týraly ókim onyń basta­lýyna 30 kún qalǵanda qabyl­danýy tıis, ol tý­raly buqaralyq aqparat qural­darynda habarla­nady. Sessııa jumysyna QHA múshe­leri jal­py sanynyń kemin­de úshten eki bóligi qatysqan jaǵ­daıda ses­sııa zańdy dep sanalady. Oǵan qatysqan múshelerdiń jarty­synan kóbi daýys bergen jaǵdaı­da sessııa qabyldandy dep esep­teledi. Osy kúnge Qazaqstan halqy Assambleıasynyń qura­mynda 446 múshe bar». Daýys berý úderisine daýys berýge arnalǵan pýnkt QHA sessııasy ótetin ǵıma­ratta ornalasady jáne sessııa ju­mysy bastalǵanǵa deıin bir saǵat buryn ashylady. Daýys berýge arnalǵan pýnkt­te halyqaralyq jáne qazaq­standyq baıqaýshylar, buqa­ralyq aqparat quraldarynyń ókilderi, sondaı-aq, QHA saılaı­tyn Májilis depýtat­tyǵyna kandıdattardyń senim bil­dirilgen adamdary bolýǵa quqyly. Ses­sııada Astana qala­synyń qala­lyq saılaý komıs­sııasynyń tór­aǵasy daýys berý tár­tibin túsindirgennen keıin Assam­bleıa múshelerin daýys berýge arnalǵan pýnktke shaqy­rady. «Ár saılaýshy jeke ózi daýys beredi. Daýys berý quqyǵyn basqa bireýge berýge, basqa adamdar úshin daýys berýge bolmaıdy. Daýys berýge arnalǵan bıýlleten saılaýshylar tizi­mi­niń negizinde saılaýshynyń jeke ózine onyń jeke basyn kýá­landyratyn qujatyn usynǵanda beriledi, – dedi T.Ohlopkova. – Daýys berý jáne daýystardy sanaý aıaqtalǵan soń, qalalyq saılaý komıssııasy daýys berý qorytyndylary týraly hattama jasap, qol qoıady. Daýys berýge qatysqan Assambleıa múshe­leriniń 50 paıyzdan asta­my daýys bergen kandıdat­tar saılanǵan dep sanalady. Sessııa qalalyq saılaý komıs­sııasynyń tóraǵasy daýys be­rý qorytyndylary týraly hat­tamany jarııalaǵannan keıin ja­bylady. Qalalyq saılaý ko­mıs­sııasynyń hattamasy Ort­saı­laýkomǵa eki kúnnen – 22 naý­­­ryzdan keshiktirmeı usy­nylýy tıis». OSK múshesiniń aıtýynsha, Májilistiń saılanǵan depýtattaryn Ortsaılaýkom tirkeıdi. Kons­tıtýsııaǵa jáne elimizdiń zań­daryna sáıkes Parlament depýtatynyń mártebesine sáıkes kelmeıtin mindetterin doǵarý týraly Ortsaılaýkomǵa usynǵan ótinishi Májilis depýtattaryn tirkeý úshin mindetti shart bolyp tabylady. «Jalpy, elimiz bo­ıynsha, Májilis depýtattaryn saılaý qorytyndylaryn Ort­saılaýkom 27 naýryzdan keshik­­tirmeı belgileıdi, al saılaý qorytyndylary týraly ha­bar BAQ-ta 2016 jylǵy 30 naý­­ryzdan keshiktirmeı jarııa­lana­dy. Buqaralyq aqparat qu­ral­darynda saılaý qorytyn­dylary jarııalanǵannan keıin Ort­saılaýkom Parlament Máji­lisiniń saılanǵan ár depýtatyna kýálik pen omyraýǵa taǵatyn belgi tapsyrady», – dedi T.Ohlopkova. Álısultan QULANBAI, «Egemen Qazaqstan».