QARAǴANDY. 18 aqpan. Qaraǵandy oblysynda zańsyz ań aýlap, qyzyl kitapqa engen kıikterdi atqan kúdiktiler qolǵa tústi. Bul týraly oblystyq ishki ister departamentiniń baspasóz qyzmetine silteme jasaǵan egemen.kz tilshisi habarlady.
Nura aýdandyq ishki ister bóliminiń tabıǵatty qorǵaý polısııasy men «Ohotzooprom» mekemesiniń qyzmetkerleri birigip júrgizgen sharanyń nátıjesinde Nura aýdanynyń aýmaǵynda «ÝAZ» jáne tirkemesinde motorly shanasy bar «Nıva» avtokólikteri tekserýden ótkizildi. Tekserý barysynda úsh kıiktiń eti salynǵan birneshe qap tabyldy. Tıisti hattamalar toltyrylǵannan keıin, kıiktiń eti, brakonerlerge tıesili myltyq pen onyń oqtary jáne motorly shana tárkilendi.
Qazirgi ýaqytta kúdiktiler qamaýǵa alynyp, sotqa deıingi tergeý amaldary júrgizilip jatyr.
Qaırat Ábildınov.
Derek: Qaraǵandy oblystyq ishki ister departamentiniń baspasóz qyzmeti.
Sýret: egemen.kz.