Ortalyq saılaý komıssııasynyń keshegi otyrysynda «2016 jylǵy 20 naýryzǵa taǵaıyndalǵan Qazaqstan Respýblıkasy Parlamenti Májilisi depýtattarynyń kezekten tys saılaýyna jáne máslıhattary depýtattarynyń kezekti saılaýyna halyqaralyq uıymnyń baıqaýshylaryn akkredıtteý týraly» qaýly qabyldandy.
OSK múshesi Tatıana Ohlopkovanyń habardar etýinshe, atalǵan qaýlyǵa sáıkes Ortsaılaýkom Qazaqstan Respýblıkasy Syrtqy ister mınıstrliginiń usynýy boıynsha Táýelsiz Memleketter Dostastyǵynan baıqaýshylar mıssııasynyń 12 baıqaýshysyn akkredıtteıdi. «Tizim qosa berilip otyr. Búgin akkredıtteıtin baıqaýshylar qatarynda TMD baıqaýshylary mıssııasynyń jetekshisi Sergeı Lebedev jáne mıssııa shtabynyń basshysy Evgenıı Sloboda bar», – dedi Komıssııa múshesi.
Osy jyldyń 18 aqpanyndaǵy jaǵdaı boıynsha Ortsaılaýkom halyqaralyq uıymdardyń eki mıssııasynyń (EQYU/DIAQB jáne TMD) 52 baıqaýshysyn akkredıttedi. Al Ortsaılaýkom shet memleketter men halyqaralyq uıymdardyń baıqaýshylaryn akkredıtteýdi 2016 jylǵy 14 naýryzǵa deıin júzege asyrady.
Álısultan QULANBAI,
«Egemen Qazaqstan».