О́nege órisi

Astana qalasy bilim basqarmasynyń uıymdastyrýymen taıaýda «О́zin-ózi taný: mahabbat pen shyǵarmashylyq pedagogıkasy» atty respýblıkalyq onkúndik ótkizildi. Onkúndiktiń maqsaty – «О́zin-ózi taný» adamgershilik-rýhanı bi­lim berý baǵdarlamasynyń negi­zinde jatatyn tárbıe jáne bilim berý júıesinde balalar men jas­tardy adamgershilik-rýhanı jetil­dirý ıdeıasy, oqýshylardy jalpy ada­mı qundylyqtar álemine tartyp, adamı qarym-qatynas nor­masy­men tanystyrý, azamattyq má­de­nıet qalyptastyrý jáne damytý. Astana qalasynyń bilim be­rý mekemelerinde onkúndik aıasyn­da Rýhanı-adamgershilik baǵdar­la­masynyń avtory S.A. Nazarbaeva­nyń qyzmeti týraly «Meıirim tógetin ana» atty kitap kórmesi, bala­lardyń shyǵarmashylyq ju­mys­tary kórmeleri, túrli sport­tyq, tanymdyq is-sharalar, de­battyq oıyndar ótkizildi. Balalar úıi, Jasóspirimder úıi­niń túlekterimen «Sen de bir kir­pish dúnıege» atty kezdesý uıym­dastyrylyp, kezdesýge áıgili sportshy Serik Sápıev te kelip, balalardy shabyttandyrdy. «SOS»-Astana balalar aýylynda «Qulaqtan kirip boıdy alar» atty ádebıet jıyny ótkizildi. Balalar úıiniń tárbıelenýshileri úshin Otan, balalyq shaq týraly óleńder oqylyp, «Men kelemin» áni oryndaldy. Is-sharaǵa Basqarý kolledji men № 51 orta mektebiniń muǵalimderi qyzý atsalysty. №53 mektep-lıseıinde joǵary synyp oqýshylary arasynda ónegelik, júrek jylýy, Otanǵa degen súıispenshilik, adamgershilik taqyrybynda debat saıysy ót­kizildi. №7 mektep-gımnazııasynda «Altyn júrek anamyz» atty qala­lyq mánerlep oqý saıysy erek­she oryn aldy. Bul saıysta I oryndy mektep oqýshysy Dıas Tólepbergenov ıelendi. Gýma­nı­tarlyq kolledjinde «Meıi­rim­dilik» festıvaline Balalar úıi men «SOS» balalar úıiniń tár­bıelenýshileri belsendi qatysty. Aıta keter jaıt, onkúndik aıa­synda ótkizilgen mektepke deıin­gi mekemeler arasynda úzdik sýret­ter, mektepter arasynda úzdik shy­ǵarmalar, kolledjder arasyn­da úzdik esse baıqaýdyń qory­tyndysy boıynsha úzdik dep ta­nylǵan shyǵarmalar Bilim bas­qar­masy qurastyrǵan jınaqqa endi. Onkúndiktiń saltanatty jabylýy barysynda úzdik dep tanylǵan qolóner buıymdary, ashyq hat jáne sýretter baıqaýlary, «Altyn júrek anamyz» atty mánerlep oqý, ónegelik, júrek jylýlyǵy, jalpyadamzattyq qundylyqtar týraly debat saıystarynyń jeńimpazdary marapattalyp, syılyqtar tabys etildi. Merekelik is-shara osy onkúndik barysynda óner kórsetken jeńimpazdar men júldegerlerdiń kúshimen daıyndalǵan konserttik baǵdarlamamen aıaqtaldy. Danıel ShAIYNǴAZIN.