555

Atyraýda bir kúnde osynsha otbasy baspanaly boldy Atyraý qalasynda turǵyn úı qurylysy keń qanat jaıǵan shaǵyn aýdandar qatary kóbeıip keledi. Solardyń qataryn­da­ǵy «Nursaıa» shaǵyn aýdanyna tur­­­­­ǵyndar erekshe qyzyǵady. О́ıtkeni, munda jyl saıyn zamanaýı turǵyn úıler boı kóteredi. О́tken jyly da bul shaǵyn aýdanda birneshe baǵdarlamamen turǵyn úı qurylysy bastaý aldy. Sondaı baǵdarlamalardyń qataryndaǵy «О́ńirlerdi damytý-2020» baǵ­dar­lamasymen salynǵan baspanalar shaǵyn aýdanǵa sán bererlikteı ásemdigimen kóz tartady. Endi mine, burnaǵy kúni 11 turǵyn úı­diń 555 páteri kezekte turǵan ot­basylarǵa berildi. Bir kúnde jańa baspana alǵandardyń ishinde 1 Uly Otan soǵysynyń ardageri, 17 ata-ana qamqorlyǵynsyz qalǵan jas, 29 áleýmettik turmysy tómen otbasy, 57 memlekettik qyzmetker men bıýdjettik mekeme ókilderi bar. Baspanasy apatty kúıge jat­qy­zylǵan otbasy da jańa páter baqytyna bólendi. Al 450 otbasy turǵyn úı alý úshin Turǵyn úı qurylys jı­naq banki­niń salymshysy atanyp, kezekke turǵandar eken. Olar­dyń 218-i tólem qabileti barlar sana­tyna jatsa, 232-si arnaıy banktiń salymshysy bol­ǵan. Osy­laı­sha, Atyraýda bir kúnde 555 pá­ter ıe­leri qýanyshqa bólendi. Tur­ǵyn­dardyń baspanaly bolý qýa­ny­­shyna oblys ákimi Baqtyqoja Izmuhambetov ortaqtasyp, jańa tur­­ǵyn úılerdegi páterlerdi aralap kórdi. – Osy kezge deıin bes balammen jataqhananyń 1 bólmesinde turyp keldik. Árıne, kóp balaly otbasy úshin bir bólme tarlyq etetin. Balalarymyz oınaı da almaıtyn. Turǵyn úı kezegin 10 jyldan asa kútip edik. Búgin memlekettiń qol­daýymen páter alǵanymyz úshin qýanyshymyz qoınymyzǵa syımaı tur. Endi, ásirese, balalarymyz alań­syz sabaǵyna daıyndalyp, er­kin demalatyn boldy, – deıdi kóp balaly ana Kúnzıra Elemesova. Aıtqandaı, ótken jyly osy shaǵyn aýdannan «Jas Otaý» baǵ­darlamasymen salynǵan tur­ǵyn úıge jastar qonystanyp edi. Tek jas­tar emes, solarmen bir­ge, byltyr oblysta 795 otbasy tur­ǵyn úı­men qamtylypty. Endi bıylǵy jyldyń aıaǵyna deıin taǵy da 100 otbasynyń baspanaly bolatyny kútilýde. Joldasbek ShО́PEǴUL, «Egemen Qazaqstan». ATYRAÝ. Sýretti túsirgen Rahym QOILYBAEV.