ASTANA. 22 aqpan. Fıdjı aralynda «Ýınston» tropıkalyq sıklonnyń saldarynan 10 adam qaza taýyp, 7 adam joǵalyp ketti. Bul týraly TASS aqparat agenttigine silteme jasaǵan egemen.kz tilshisi habarlady.
О́zge de araldardan naqty málimet bolmaǵandyqtan qaza tapqandardyń sany artýy múmkin degen boljam bar. Meteorologtar joıqyn daýyldyń jyldamdyǵy saǵatyna 325 shaqyrymdy quraǵanyn, al muhıt tolqyndary 12 metrge deıin kóterilgendigin anyqtady.
Memleket astanasy Sýva qalasynyń bıligi tabıǵat apatynan 140-tan astam úıdiń qırap qalǵandyǵyn málimdedi. Batys aımaqtardaǵy eń iri Vıtı Levý aralynda barlyǵy 680 úıdiń 425-i zaqymdanǵan. Bul aralda halyqtyń 70 paıyzy turady. Kóbine tómengi aýdandardyń turǵyndary zardap shekti. Baspanasynan aırylǵandarǵa qaýipsiz aımaqtardan arnaıy oryndar berildi.
Fıdjı Respýblıkasy Tynyq muhıttyń ońtústik-batysynda Fıdjı araldarynda ornalasqan memleket. Aýmaǵy 18333 sharshy shaqyrymdy quraıdy. Halqy 890 myń.
Aıan Ábdýálı.
Derek, sýret: TASS.