QARAǴANDY. 22 aqpan. Qaraǵandyda ónerli qyz Laýra Baıshoqanova belgili sportshy Gennadıı Golovkınniń portretin salyp, endi ony boksshynyń ózine tapsyrýdy armandap júr. Bul týraly InformBURO portalyna silteme jasaǵan egemen.kz tilshisi habarlady.
«Men áıgili boksshynyń portretin bes kún ishinde salyp bitirdim. Qazirdiń ózinde ony satyp alýǵa nıet bildirgender bar. Biraq men portretti satpaımyn. Al Gennadııdiń ózine tabys etýge múmkindik týyp jatsa, menen baqytty jan bolmas edi», – deıdi Laýra.
О́nerli qyz portretterdi kádimgi boıaý qaryndashtarymen salady. Bir qyzyǵy, Laýra Baıshoqanova júk kólikterin jóndeý jáne qyzmet kórsetý boıynsha tehnıkalyq ortalyqtyń menedjeri bolyp jumys isteıdi.
Qaırat Ábildınov.
Derek, sýret: InformBURO.