ShYMKENT. 22 aqpan. Ordabasy aýdanyna qarasty Amangeldi aýylynan alty jastaǵy balany belgisiz áıel belgisiz jaqqa alyp ketken. Bul týraly aýdandyq IIB-nyń málimetine silteme jasaǵan egemen.kz tilshisi habarlady.
Amangeldi aýylynan bala jetektegen áıeldi kóligine otyrǵyzǵan taksıstiń aıtýy boıynsha, beıtanys áıel taıaq tastam jerdegi aýdanǵa aparýǵa qalyptaǵydan tórt ese artyq aqsha tólegen. Aýdan ortalyǵyndaǵy áıel túsken jerde kólik kóp. Shymkentke de, áýejaıǵa da toqtaýsyz júredi.
Sodan beri birinshi synypta oqıtyn Muhamedten habar joq. Synyptastarynyń aıtýy boıynsha, beıtanys tolyq áıel Muhamedti óz atymen shaqyryp alǵan. Polısııalar álgi áıeldiń kýágerler anyqtamasy boıynsha fotorobotyn jasaǵan. Elýden mol asqan kúdiktiniń deregi izdestirilip jatyr. Urlanǵan balanyń onyń shaqyrýyna selt etpeı, ileskenine qaraǵanda bul otbasyǵa tanys bolýy da ábden múmkin.
Ońtústik Qazaqstan IIB-niń polıseıleri Muhamedtiń sýreti men áıeldiń nobaıyn jasap, habarlandyrý berdi. Baılanys telefondary: 8-701-716-64-64, 8-705-869-99-99, 8-777-186-22-88, (8-72-530) -2-14-13 nemese 102.
Baqtııar Taıjan.
Derek, sýret: egemen.kz