Sırek daýys ıesi

Dımash Qudaıbergenov Máskeýdiń Kreml saraıynda óner kórsetpek Vıtebskiniń «Slavıan bazary-2015» halyqaralyq baıqaýynan jeńimpaz bolyp oralǵan Dımash Qudaıbergenovtiń keıbir jarystan oljamen oralǵan jastardyń qalyń nópirdiń arasyna sińip, birazǵa deıin úni shyqpaı qalatyny sııaqty emes, kerisinshe, sol básekeden keıin tanymaldyǵy odan saıyn arta tústi. «Shyǵys bazary» jáne «Meı­kın Azııa» baıqaýlarynyń Gran-prıin ıelengen qazaqtyń qarshadaı balasy týraly ja­qynda keı basylymdar: «Dı­mash Qudaıbergenov aıtýly «Eýrovıdenıe» baıqaýyna qatysýǵa daıyndalyp jatyr eken» dep biraz dúrlikti. «Qazaqstannan ázirge «Eýrovıdenıege» eshkim qatyspaıdy. Alaıda, soǵan qara­mastan uıymdastyrýshylarǵa arnaıy ótinishimizdi berdik. Qazaq Ult­tyq óner ýnıversıtetiniń stýdenti bolǵandyqtan, Dı­mashtyń álemdik deńgeıdegi mundaı alańǵa shyǵýy bir ja­ǵynan bizdiń oqý ornymyz úshin de úlken abyroı sanalady. «Slavıan bazary» konkýrsy ony Eýropaǵa tanymal etse, mynadaı iri dodada da eshkimge ese jibermesine, júldemen oralaryna senimdimin», degen bolatyn ol týraly ýnıversıtet rektory Aıman Musaqojaeva. Sonymen qatar, Dımash Qudaı­ber­genovtiń «Ulybrıtanııa daýysy» jáne «AQSh daýysy» baıqaýlaryna qa­tysýǵa nıet bildirýi jas ánshige degen súıispenshilikti odan beter eseleı túsken. Endi, mine, taǵy bir tyń jańalyq. Ol jaqynda Reseıdiń es­tradalyq juldyzdarymen birge Kreml­der saraıynda óner kórsetpek. Aıtýly óner sahnasynda óte­tin 8 naýryz – halyqaralyq Áıelder kúni merekesine oraı uıymdastyrylatyn 10 jyldyq tarıhy bar dástúrli «Vse zvezdy dlıa lıýbımoı» jobasynyń uıymdastyrýshylary bıyl tuń­ǵysh ret qazaqstandyq ánshini atalmysh keshke shaqyryp otyr. Lev Leshenko, Valerıı Meladze, Nıkolaı Baskov, Leonıd Agýtın, Anjelıka Varým, Sergeı Lazarev, Krıstına Orbakaıte qatysatyn osy keshte D.Qudaıbergenov eki án oryndamaq. Orys estradasynyń tanymal juldyzdarymen terezesi teńesken qazaq balasynyń óner­degi qadamdary budan da bıiktep, órkendeı berýin tileımiz. «Egemen-aqparat».