Qasym-Jomart Toqaevtyń tóraǵalyq etýimen ótken Senat bıýrosynyń otyrysynda joǵarǵy palatanyń 2016 jylǵy 3 naýryzda bolatyn kezekti otyrysynyń kún tártibi kelisildi, dep habarlady Senattyń baspasóz qyzmeti.
Senat talqysyna «Qazaqstan Respýblıkasynyń Ulttyq qorynan 2016-2018 jyldarǵa arnalǵan kepildendirilgen transfert týraly» Zańǵa ózgeris engizý týraly» jáne «2016-2018 jyldarǵa arnalǵan respýblıkalyq bıýdjet týraly» Zańǵa ózgerister men tolyqtyrýlar engizý týraly», sondaı-aq, «Halyqty jumyspen qamtý týraly» zań jobalary shyǵarylady.
«Qazaqstan Respýblıkasynyń keıbir zańnamalyq aktilerine ekologııalyq máseleler boıynsha ózgerister men tolyqtyrýlar engizý týraly» jáne «Qazaqstan Respýblıkasynyń keıbir zańnamalyq aktilerine halyqty jumyspen qamtý máseleleri boıynsha ózgerister men tolyqtyrýlar engizý týraly» zań jobalary birinshi oqylymda qaralady.
Kún tártibine tórt halyqaralyq qujat: Qazaqstan Respýblıkasynyń Úkimeti men Slovak Respýblıkasynyń Úkimeti arasyndaǵy Investısııalardy kótermeleý jáne ózara qorǵaý týraly kelisimdi; Shanhaı yntymaqtastyq uıymyna múshe memleketterdiń shekara máseleleri boıynsha yntymaqtastyǵy men ózara is-qımyly týraly kelisimdi; Kaspıı teńiziniń teńiz ortasyn qorǵaý jónindegi negizdemelik konvensııaǵa Munaımen lastanýǵa ákeletin tosyn oqıǵalar jaǵdaıyndaǵy óńirlik ázirlik, den qoıý jáne yntymaqtastyq týraly hattamany; Qurlyqtyq qaırańda ornalasqan stasıonarlyq platformalar qaýipsizdigine qarsy baǵyttalǵan zańsyz is-árekettermen kúres týraly hattamaǵa 2005 jylǵy hattamany ratıfıkasııalaý týraly máseleler engizildi.