Elbasy Nursultan Nazarbaev Reseı Federasııasynyń Prezıdenti Vladımır Pýtınge kóńil aıtý jedelhatyn joldady, dep habarlady Qazaqstan Respýblıkasy Prezıdentiniń baspasóz qyzmeti.
Jedelhatta Reseı Federasııasynyń Komı Respýblıkasyndaǵy «Severnaıa» shahtasynda oryn alǵan jarylys saldarynan adamdardyń qaza bolǵany týraly qaıǵyly habardy Qazaqstan Prezıdentiniń zor kúızelispen qabyldaǵany aıtylǵan.
Nursultan Nazarbaev qaza bolǵandardyń otbasylary men týǵan-týystaryna Qazaqstan halqynyń jáne jeke óziniń atynan kóńil aıtyp, qaıǵyǵa ortaqtastyǵyn bildirdi.