Shýaǵyn shashqan ómirge,
Qýanysh shashqan kóńilge.
Áıelder kúni minekı,
Toılanyp jatyr tórimde.
Abyr da sabyr aınalam,
Júzderdi kórem jaınaǵan.
Mereıli jurttyń barlyǵy,
Áıelder kúnin toılaǵan.
Kóktemmen birge búr jaryp,
Aldymnan shyqqan nurlanyp.
Áıelder kúni syılaıdy,
Jyl saıyn bizge mol baqyt.
Boıjetken bolar erterek,
Júretin ylǵı erkelep.
Ár úıge kirer bereke,
Áıeldiń jóni bir bólek.
Jandary názik asylym,
Taýsylmas meniń ǵashyǵym.
Sendermen birge túrlenip,
Sendermen birge tasydym.
Sendersiz mánsiz myna álem,
Sendersiz qaıda jyr, óleń.
Sendersiz ótken kúnderdi,
Kóńilsiz dese sener em.
Dúnıeniń kilti áıelde,
Qaıyrylyp kelip sálem ber.
Áıelder bolsyn baqytty,
Degendi qostym óleńge.
Orynbek JOLDYBAI,
Qazaqstan Respýblıkasynyń mádenıet qaıratkeri.
ASTANA.