ASTANA. 7 naýryz. Búgin elimizdiń batys jáne soltústik bóliginde atmosferalyq fronttardyń ótýine baılanysty turaqsyz aýa raıy saqtalady. Bul týraly «Qazgıdrometke» silteme jasaǵan egemen.kz tilshisi habarlady.
Sınoptıkterdiń boljamynsha, keı jerlerde jaýyn-shashyn jaýyp, kóktaıǵaq, jaıaý burqasyn kútiledi. Sondaı-aq, tuman baıqalyp, jel kúsheıedi.
Aqmola oblysynda jeldiń jyldamdyǵy sekýndyna 15-20 keı jerlerde 23-28 metrge deıin barady. Tuman, kóktaıǵaq, jaıaý burqasyn bolady. Almaty oblysy Jalańashkól aýdanynda jeldiń kúshi sekýndyna 18-23 metrge deıin barady.
Jambyl, Qaraǵandy oblystarynyń keı jerlerinde jeldiń jyldamdyǵy sekýndyna 15-20 metrge deıin kúsheıedi. Al Qostanaı oblysynyń keı jerlerinde tuman, kóktaıǵaq, jaıaý burqasyn bolady. Jeldiń jyldamdyǵy sekýndyna 15-20 metrge deıin barady.
Soltústik Qazaqstan oblysynyń keı jerlerinde jaıaý burqasyn bolyp, jeldiń jyldamdyǵy 15-20 metrge deıin kúsheıedi. Mańǵystaý, Atyraý, Batys Qazaqstan, Shyǵys Qazaqstan oblystarynyń keı jerleri tumandy bolady.
Aıan Ábdýálı.
Derek: «Qazgıdromet».
Sýret: egemen.kz.