ASTANA. 7 naýryz. Qytaıdyń Szılın provınsııasynyń Týnhýa okrýgynda kómir shahtasyndaǵy jarylystan 12 adam qaza tapty. Bul týraly TASS aqparat agenttigine silteme jasaǵan egemen.kz tilshisi habarlady.
Oqıǵa jeksenbi kúni Baıshan qalasynda boldy. Jumys ornynda 700-den astam kenshi bolǵan. Oqys oqıǵadan keıin 692 qyzmetker jer betine shyǵyp úlgergen. Alaıda, 13 adam jer astynda qalyp, 12 adam mert boldy. Aman qalǵan kenshi der kezinde aýrýhanaǵa jetkizildi. Dárigerler onyń jaǵdaıy bir qalypqa kelgenin málimdedi.
Qutqarý jumystaryna 316 adam, 11 jedel-járdem qyzmetiniń kóligi, 46 dáriger jumyldyryldy. Qazirgi kezde izdeý jumystary aıaqtaldy. Mamandar oqıǵanyń sebebin anyqtaý úshin tergeý amaldaryn júrgizip jatyr.
Aspanasty elinde shahtadaǵy jarylystan jylyna myńdaǵan adam qaza tabady. Onyń basty sebebi tehnıkalyq qaýipsizdik erejeleriniń saqtalmaǵanynan bolady.
Aıan Ábdýálı.
Derek: TASS.
Sýret: egemen.kz.