QOSTANAI. 17 naýryz. Osydan bir aı buryn shamasynda qurylǵan saılaýdy baqylaý jónindegi respýblıkalyq qoǵamdyq komıssııanyń óńirlik fılıalynyń jetekshisi Álimjan Bekmaǵambetov ortalyq múshelerimen birge jýrnalısterge taǵy da brıfıng ótkizdi. Ol bir aı táýliginde qoǵamdyq baıqaýshylardyń daıyndalǵanyn jáne olardyń atqaratyn qyzmeti jaıly áńgimeledi. Bul týraly egemen.kz tilshisi habarlady.
Brıfıngte Álimjan Baýyrjanuly qoǵamdyq komıssııanyń saılaýǵa daıyndyq jumystary týraly aıtty. Osy kezge deıin óńirlik ortalyq qoǵamdyq baıqaýshylardy daıyndaý úshin olarmen birneshe ret semınarlar ótkizilgen, 797 adamnan turatyn qoǵamdyq baıqaýshylar korpýsy jasaqtaldy.
Saılaýdy baıqaýǵa kómek berý óńirlik ortalyǵynyń jetekshisi Álimjan Bekmaǵambetov: «Qoǵamdyq baıqaýshylardyń árqaısysymen jeke kelisim shart jasaldy, olarǵa 4000 teńge tólenedi. Qoǵamdyq baıqaýshylar qataryna muǵalimder men dárigerler, bıýdjettik emes uıymdar ókilderi kirdi. Qoǵamdyq baıqaýshy bolǵysy kelgen belgili bir partııanyń múshelerin qabyldamadyq. Qysqasy saılaý kúni qoǵamdyq baıqaýshylar korpýsy óz mindetin atqaratyn bolady», – dedi.
Álimjan Bekmaǵambetovtyń aıtýynsha, saılaý kúni qoǵamdyq baıqaýshylar alys aýyldarda, eldi mekenderde de jetedi. Aýrýhanalar men arnaıy mekemelerden basqa oryndardyń barlyǵynan da qoǵamdyq baıqaýshylar tabylady.
Názıra Járimbetova.
Derek, sýret: egemen.kz.