ORAL. 17 naýryz. Oralda qoǵamdyq oryndaǵy taqtaıshany qasaqana qıratqandar qolǵa tústi. Bul týraly batysnewskz.kz-ke silteme jasaǵan egemen.kz tilshisi habarlady.
Jergilikti polısııa qyzmeti 10-naýryz kúni túnde «Men Oraldy súıemin» degen jazýdyń áripterin syndyryp, izderin jasyrǵan buzaqylardy taýyp, jaýapqa aldy. Sebebi, olar qoǵamdyq oryndy búldirip qana qoımaı, kommýnaldyq kəsiporynǵa aıtarlyqtaı shyǵyn keltirip otyr. Beınebaqylaý qondyrǵysynyń kómegimen 3 jas azamat anyqtalyp, ustalǵan.
Polısııa qyzmetkerleriniń aıtýynsha, búginde atalǵan fakt boıynsha Qylmystyq kodekstiń 202-babynyń 1-tarmaǵy boıynsha qylmystyq is qozǵalǵan. Buzaqylar qasaqana bireýdiń múligin búldirý, úlken shyǵyn keltirý faktisimen aıyptalyp, olarǵa 2 myń AEK kóleminde aıyppul salý jazasy taǵaıyndalýy nemese túzetý jumysyna tartylýy múmkin. Álde 2 jyl merzimge bas bostandyqtary shektelip nemese aıyrylady.
Temir Qusaıyn.
Derek, sýret: batysnewskz.kz.