ASTANA. 17 naýryz. VTB Biryńǵaı lıgasynda oınaıtyn «Astana» basketbol komandasy kezekti ret jeńilip, jankúıerlerin jerge qaratty. Bul joly elordalyqtar óz alańdarynda Sankt-Peterbýrgtiń «Zenıtine» ese jiberdi. Kezdesý reseılikterdiń paıdasyna 93:71 esebimen aıaqtaldy. Bul týraly egemen.kz tilshisi habarlady.
Birinshi kezeń tolyǵymen «Zenıttiń» basymdyǵymen ótti. Nátıjesinde qonaqtar 23:12 esebimen basym tústi. Ekinshi kezeńde «Astana» qarqynyn kúsheıtkenimen, taǵy da reseılikterge jol berýge májbúr boldy (25:20). Al úshinshi bólikte astanalyqtar eki upaı aıyrmashylyǵymen jeńdi (19:17). Degenmen, sońǵy kezeńde basymdyqty qaıta qoldaryna alǵan «Zenıt» oıynshylary 28:20 esebimen jeńiske jetip, mańyzdy upaılarǵa qol jetkizdi.
Oıyn barysynda «Astana» sapynan Alekseı Jýkanenkonyń sheberligimen kózge túskenin atap ótken jón. Ol osy matchta 20 upaıdy óz atyna jazdy.
Osymen qatarynan segizinshi ret jeńilgen Ramýnas Býtaýtastyń komandasy ázirge týrnır kestesinde 15-orynda tur. «Astana» kelesi kezdesýin 20 naýryzda syrt alańda Krasnoıarskiniń «Enıseıimen» ótkizedi.
Elaman Qońyr.
Derek: egemen.kz.
Sýret: bcastana.kz.