ASTANA. 17 naýryz. Astanada jyl basynan beri «Jumyspen qamtý jol kartasy - 2020» baǵdarlamasy aıasynda 26 joba maquldandy. Bul týraly qalalyq ákimdiktiń resmı saıty – astana.gov.kz-ke silteme jasaǵan egemen.kz tilshisi habarlady.
Astana qalasynyń údemeli ındýstrıaldy damýynyń úılestirý keńesi «Jumyspen qamtý jol kartasy-2020» Bıznesti qoldaý jáne damytýdyń biryńǵaı baǵdarlamasy aıasynda bankterdiń, lızıngtik kompanııalardyń nesıeleriniń paıyzdyq mólsherlemelerin sýbsıdııalaý boıynsha 26 jobany maquldady. Nesıe jelisiniń jalpy somasy – 3,4 mlrd. teńge, sonyń ishinde 9 jobaǵa 549,3 mln. teńge kóleminde nesıelerdi jartylaı kepildendirý boıynsha qoldaý kórsetildi.
Jalpy alǵanda baǵdarlama júzege asyryla bastaǵaly 88 107,9 mln. teńgeniń 506 jobasy maquldandy.
Jalpy quny 85 316,7 mln. teńgeni quraıtyn 451 joba paıyzdyq mólsherlemeni sýbsıdııalaý boıynsha maquldandy, 100 adamǵa 4 417,4 mln. teńge kóleminde nesıeler boıynsha kepilder berildi. О́ndiristik ınfraqurylymǵa kelsek, elektr qýatymen jabdyqtaý, jol jóndeý, káriz júıeleri, sýmen jabdyqtaý, bý trassasyn aýystyrý boıynsha respýblıkalyq bıýdjet esebinen jalpy somasy 2 791,23 mln. teńgeni quraıtyn 35 joba maquldandy. Munymen qosa, 59,9 mln. teńgeniń 20 jobasyna grant aıasynda ruqsat berildi.
Elaman Qońyr.
Derek, sýret: astana.gov.kz.