QARAǴANDY. 17 naýryz. Búkilálemdik boks keńesi (WBC) osy uıymnyń chempıondaryna Rıo-de-Janeırodaǵy jazǵy Olımpıada oıyndarynda óner kórsetýlerine tyıym saldy. Bul týraly vringe.com sporttyq portalyna silteme jasaǵan egemen.kz tilshisi habarlady.
Sondaı-aq, mundaı tyıym WBC reıtıngisindegi TOP-15 sanatyna enetin boksshylarǵa da salyndy.
«WBC mundaı qadam óte qaýipti bolǵandyqtan, joǵary deńgeıdegi kásipqoı boksshylardyń eshqaısysy Olımpıada oıyndaryna qatysý týraly oılamaıdy dep úmittenedi. Bul máseleniń basy tolyqtaı ashylmaıynsha, jarys formaty qaýipsiz dep baǵalanbaıynsha, WBC óziniń chempıondary men uıymnyń TOP-15 reıtıngisindegi boksshylaryna aldaǵy Rıo oıyndaryna qatysýǵa tyıym salady», – delingen uıym taratqan habarlamada.
Bul habarlama osydan biraz buryn halyqaralyq áýesqoı boks qaýymdastyǵynyń (AIBA) 2016 jylǵy Olımpıadaǵa kásipqoı boksshylar da qatysýy múmkin dep jarııalaǵan málimdemesine jaýap retinde qaıtarylǵan.
Aıta keteıik, WBC tujyrymy boıynsha orta salmaqta qazirgi álem chempıony meksıkalyq Saýl Alvares. Al qazaqstandyq Gennadıı Golovkın WBC (Interim) tıtýlynyń ıegeri.
Qaırat Ábildınov.
Derek: vringe.com.
Sýret: ibirzha.kz.