Esepten shyǵarý kýálikterin berýdiń tártibi qandaı?

Ortalyq saılaý komıssııasynda OSK múshesi Marat Sársembaev esepten shyǵarý kýálikterin berý tártibi jáne saılaý rásimderi týraly brıfıng ótkizdi. Onyń atap ótýinshe, BAQ ókil­derin «Saılaý týraly» Zańǵa jáne Ortsaılaýkom bekit­ken daýys berý quqyǵyn beretin esepten shyǵarý kýálik­terin berý jáne esepke alý erejelerine sáıkes saılaý­shy jalpy jurttyń tany­sýy úshin saılaýshylar tizim­derin usyný men saılaý kúni arasynda óziniń bolý ornyn aýystyrǵan kezde, ol tirkelgen jeri boıynsha ýchas­kelik saılaý komıssııasyna daýys berý quqyǵyn beretin esepten shyǵarý kýáligin alýǵa ótinish jasaýǵa quqyly. «Esepten shyǵarý kýá­ligi saılaýshyǵa nemese senim­hat boıynsha onyń ókiline 4 naýryzdan bastap 19 naý­ryz kúngi saǵat 18.00-ge deıin beriledi, – dedi M.Sár­sembaev. – Ýchaskelik saılaý komıssııasynyń tóraǵasy nemese múshesi esepten shyǵa­rý kýáligin toltyrýdy saılaý­shynyń tilegi boıynsha mem­lekettik nemese orys tilinde júrgizedi. Bul rette esepten shyǵarý kýáligin tabys etken ýchaskelik saılaý komıs­sııasynyń múshesi saılaýshylar tizimindegi saılaýshy teginiń tusyna, «eskertýler» degen baǵanǵa esepten shyǵarý kýáliginiń tabys etilgeni, onyń bes tańbaly serııalyq nómirin, berilgen kúni týraly jazý engizýi jáne qolyn qoıýy tıis». OSK múshesiniń habardar etkenindeı, saılaýshynyń esepten shyǵarý kýáligin alýǵa bergen ótinishi saılaýshylar tizimine qosa tirkeledi jáne atalǵan saılaý ýchaskesi boıynsha ony tizimnen alyp tastaý úshin negiz bolyp tabylady. Esepten shyǵarý kýáligi basqa saılaý okrýginde nemese bir eldi mekenniń shegindegi basqa saılaý ýchaskesinde daýys berýge qatysqysy kelgen saılaýshylarǵa berilmeıdi. Joǵalǵan daýys berý quqyǵyn beretin esepten shyǵarý kýálikteri qalpyna keltirilmeıdi jáne kóshirme nusqasy berilmeıdi. «Daýys berý kúni esepten shy­­ǵarý kýáligin kórsetken kezde saılaýshy kelgen jeri boıynsha tirkeledi, – dep jalǵastyrdy sózin M.Sársembaev. – Oblys­tyq, qalalyq, aýdandyq máslı­hattardyń depýtattaryn saılaýda basqa eldi mekendegi, biraq saılaýshy tirkelgen saılaý okrýginiń shegindegi saılaý ýchaskelerinde ǵana daýys berýge bolady. Daý­ys berý barlyq ýchaskelerde jer­gilikti ýaqyt boıynsha tańǵy saǵat 07.00-de bastalyp, keshki saǵat 20.00-de aıaqtalady». Brıfıngte OSK múshesi daýys berýge kele almaıtyn saı­laýshylardyń qalaı daýys berýge bolatynyna da toqtaldy. Onyń aıtýynsha, eger saılaýshy saılaý kúni densaýlyq, múgedektik jaǵdaıyna, otba­synyń syrqat múshesine kútim jasaý sebebine, sondaı-aq, saılaý ýchaskesi qurylmaǵan shal­ǵaıdaǵy jáne qatynasý qıyn jerde bolýyna baılanysty saılaý ýchaskesine kele almaǵan jaǵ­daıda, ol ýchaskelik saılaý komıssııasyna «úıde» daýys berýdi uıymdastyrý týraly ótinishpen júginýge quqyly. Osyǵan qatysty ótinishter aǵymdaǵy jylǵy 20 naý­ryz kúngi saǵat 12.00-ge deıin qabyldanady. Ortalyq saılaý komıs­sııa­synyń múshesi, sondaı-aq, saılaýdy qansha sheteldik baı­qaýshy qadaǵalaıtynynan da habardar etti. «О́zderińiz de biletindeı, 14 naýryz kúni shet­eldik baıqaýshylardy akkredıtteý sharalary aıaqtaldy. Sol kúni keshkisin biz eń sońǵy baıqaýshylardy akkredıttedik. Sonymen, olardyń jalpy sany 957 sheteldik baıqaýshyny qurap otyr», – dedi M.Sársembaev osy másele jóninde. Onyń keltirgen derekterine qaraǵanda, EQYU/DIAQB-nyń – 286, TMD mıssııasynyń – 301, Shanhaı yntymaqtastyq uıymynyń – 9, EQYU Parla­ment­tik Assambleıasynan – 76, Eý­ropa Keńesiniń Parlamenttik Assambleıasynan – 14, Túrkitildes elder yntymaqtastyǵy Keńesinen – 17, Islam yntymaqtastyǵy uıymynan – 3, Túrkitildes elderdiń Parlamenttik Assam­bleıasynan – 8, shet memleketterden – 103 baıqaýshy, budan bólek Qazaqstan Respýblıkasy Syrtqy ister mınıstrligi 29 memleketten sheteldik BAQ-tyń 140 ókili akkredıttelgen. Álısultan QULANBAI, «Egemen Qazaqstan».