О́zara yntymaqtastyq nyǵaıady

Nankınde «Qorǵas – Shyǵys qaqpasy» AEA-ny damytý ınvestısııalyq forýmy boldy Ústimizdegi jylǵy 17 naýryz­da Nankın qalasynda (QHR, Szıansý provınsııasy) «Qazaqstan temir joly» UK» AQ bastamasymen El­ba­sy N.Á.Nazarbaevtyń Qytaı Ha­lyq Respýblıkasyna sapary barysynda qol qoıylǵan QTJ men Szıansý provınsııasy arasyndaǵy 600 mıllıon AQSh dollaryna ınves­tı­sııa quıý týraly kelisimge sáı­kes, «Qorǵas – Shyǵys qaqpasy» AEA-ny damytýǵa ınves­torlar tar­tý máselesine arnalǵan forým ótkizildi. Forýmdy «QTJ» UK» AQ pre­zıdenti Asqar Mamın alǵy­­sóz­ben ashty. Ol eki el basshylary Nursul­tan Nazarbaevtyń jáne Sı Szınpınniń bastamasymen «Nurly Jol» baǵdarlamasy jáne «Jibek Joly ekonomıkalyq beldeýi» jobasy aıasynda júzege asyrylyp jatqan jumystardyń birlesken kólik-logıstıkalyq júıesin jetildirýge jáne Eýra­zııa qur­lyǵyndaǵy tasymal­daý­dy damy­tý boıynsha saýda kóleminiń artýyna jet­kizetin qadam ekendigin atap ótti. «AEA ereksheligi 180 mıllıon turǵyny bar jáne QHR-men 110 mıllıard AQSh dollar saýda aınalymy kólemin quraıtyn Eýrazııalyq odaq naryǵynda jańa óndiris oryndaryn qurý men ındýstrııalyq seriktestiktiń qanat jaıýyna zor múmkindikter áperedi», dep atap ótti A.Mamın. Qazirgi tańda AEA-nyń qurǵaq porty Keden odaǵy, Ortalyq Azııa men Eýropa, Parsy shyǵanaǵy elderiniń tutynýshylaryna júk­ter­di jetkizýdiń logıstıkalyq jáne mýltımodaldy operasııalaryn júzege asyrady. «Qorǵas – Shyǵys qaqpasy» AEA aımaqtaǵy kólik-logıs­tıka habyn jáne ekono­mı­kalyq damý draıveri retinde birlesken kólik­-logıstıkalyq júıesin ja­saqtaý mańyzdy bolyp sanalady. «QTJ» UK» AQ prezıdentiniń aıtýynsha, «Nurly Jol» baǵdar­lamasy jáne «Jibek Joly eko­­nomıkalyq beldeýi» jobasy sheń­berinde iske asyrylyp jat­qan jumystar óńirdegi joǵa­ry teh­nologııaǵa negizdelgen báse­ke­les­tikke saı kásiporyndar ashý, se­rik­tes­tikti damytýǵa yqpal etedi. Forýmda sóz sóılegen Szıansý provınsııasy gýbernatorynyń orynbasary Chjan Leı Qytaı tarapy «Qorǵas – Shyǵys qaqpasy» AEA ındýstrııalyq seriktestigin damytý baǵdarlamasyna belsen­dilikpen qatysatyndyǵyna senim bildirdi. Sondaı-aq, forýmda «Qorǵas – Shyǵys qaqpasy» AEA bas­qarýshy kompanııasy» AQ bas dı­rek­torynyń orynbasary Hı­sham Bılmaashı, «KTZExpress» AQ prezıdenti Sanjar Elýbaev, «KaznexInvest» AQ basqarma tóraǵasy, Qarjy mınıstrligi keden­dik ádisteme departamentiniń dı­rektory Marat Beısenov sóz sóı­ledi. Sharaǵa 150-den astam qytaı kompanııalarynyń ókilderi qatysty. Forým kezinde «QTJ» UK» AQ prezıdenti Asqar Mamın Szıansý provınsııasynyń gýbernatory Shı Taıfenmen, Lıanıýngan qalasy halyq úkimetiniń meri Sıan Sıýelonmen jáne birqatar jetekshi qytaı kompanııalarynyń basshylarymen kezdesti. Tarap­tar Lıanıýngan Qazaqstan-Qy­taı birlesken logıstıkalyq kom­pa­­nııa­­­syn odan ári damytý men Lıanıýngan qalasyndaǵy ShYU lo­­gıs­tıkalyq aımaǵyn qurý, «Qor­ǵas» HShSO damytý máselesin qarastyrdy. Kezdesý barysynda Szıansý provınsııasynyń gýbernatory Shı Taıfen Qytaı tarapynyń «Qorǵas – Shyǵys qaqpasy» AEA-ny damytýdy júzege asyrý nátıjeleriniń barynsha tıimdi bolýyna jáne ózara paı­daly seriktestikti ke­ńeı­týge múddelilik tanytty. Szıansý provınsııasy Qytaıdyń ındýs­trııalyq-agrarlyq saladaǵy jetekshi aımaq­tary qatarynan sanalady. Aımaq­tyń ishki jalpy ónimi 1 trln. 200 mlrd. AQSh dollaryn quraıdy. Jergilikti tur­ǵyndarynyń sany 78,6 mıl­lıonǵa jetedi. Marat AQQUL, «Egemen Qazaqstan».