Uıym mıssııasynyń basshysymen kezdesti

Keshe Qazaqstan Respýblıkasy Ortalyq saılaý komıssııasynyń tóraǵasy Qýandyq Turǵanqulov Shanhaı yntymaqtastyq uıymy mıssııasynyń basshysy Azız Nosırovpen kezdesti. Kezdesýde OSK basshysy mıssııa jetekshisin Májilis depýtattary saılaýyna daıyndyq barysymen tanystyrdy. «Jalpy, men Qazaqstandaǵy saılaýǵa baılanysty jarııa­lanǵan birqatar maqalamen tanysyp shyqqan edim. Bul rette Ortalyq saılaý komıssııasy belsendi jumys istep, atqarylǵan ister jaıyndaǵy aqparattaryn únemi jańartyp otyratyndyǵyn baıqadym. Basylymdarda saı­laýǵa qatysatyn saıası par­tııa­larǵa teńdeı jaǵdaı jasal­ǵan», – dedi A.Nosırov BAQ ókil­derine bergen suhbatynda. Sonymen qatar, ol ShYU mıs­sııasynyń ókilderi bú­gin-erteń keletindigin, sodan keıin qaı ýchas­kelerde baıqaý júrgizetindikterin aıqyndaıtynyn atap ótti. «Al 21 naýryz kúni Shanhaı ynty­maqtastyq uıymy atynan málim­deme jasaýǵa tyrysatyn bolamyz. Búgin biz QR Syrtqy ister mınıstriniń orynbasary Aqylbek Kamaldınovpen kezdesý ótkizdik. Kezdesý barysynda QR Syrtqy ister mınıstrine ShYU jumysyna aıryqsha kóńil bólgendigine jáne saılaýǵa baıqaýshy re­tinde shaqyrtý jibergendigine rızashylyǵymyzdy bildirdik», – dedi A.Nosırov. Álısultan QULANBAI, «Egemen Qazaqstan».