Bıyl Astana qalasynda turatyn Uly Otan soǵysynyń ardagerlerine erekshe syı-qurmet kórsetiletin boldy. Atap aıtqanda, aldaǵy Jeńis kúni merekesine oraı jergilikti ákimdik tarapynan ár ardagerge 1 mıllıon teńgeden beriledi.
Besinshi shaqyrylymdaǵy qalalyq máslıhat sessııasynyń kún tártibinde qaralǵan bul bastamany barlyq depýtattar biraýyzdan qoldady. Qala ákiminiń orynbasary Andreı Lýkınniń aıtýynsha, búginde Astanada Uly Otan soǵysyna qatysqan 172 ardager turady.
Sonymen qatar, atalǵan jıynda elordada múgedekterdi, qarttar men aýrý jandardy kútý boıynsha jańa mekeme ashylatyny da belgili boldy. Bul jóninde Andreı Lýkın: «Budan bylaı áleýmettik jumyskerler bir memlekettik-kommýnaldyq kásiporynǵa biriktirilip, múgedekterdi, qarttar men syrqat jandardy kútý boıynsha qyzmetter spektri keńeıedi. Bul mekemege aýrý adamdardy, qarttardy kútýdi qajet etetin kez kelgen turǵyn júgine alady», – dedi.
Qamkóńil jandarǵa qyzmet kórsetetin bul jańa mekeme óz jumysyn sáýir aıynda bastaıdy dep josparlanýda.
Ernar MUHAMBET.