Igilik

Almatyda shahmat akademııasynyń jańa bólimshesi ashyldy Almatyda shahmattan qyzdar arasyndaǵy eń jas ári halyqaralyq grossmeıster Jansaıa Ábdimálik atyndaǵy Shahmat akademııasynyń jańa bólimshesi óz esigin talantty jastarǵa aıqara ashty. Saltanatty sharaǵa áıgili shahmatshy, Álemniń on ekinshi chempıony Anatolıı Karpov arnaıy kelip qatysty. «Áıgerim» turǵyn úı kesheninde shańyraq kótergen atalmysh akademııada qalamyzdaǵy eń daryndy 500-ge tarta jasóspirim shahmat óneriniń qyr-syryna qanyǵyp, halyqaralyq dodalarǵa qatysýǵa shyńdalatyn bolady. Mundaı múm­kindikti «Jol kartasy-2020» memlekettik baǵdarlamasy aıasynda «Samuryq-Qazyna» Ulttyq ál-aýqat qorynyń jáne «Astana» Pre­zıdenttik kásipqoı sport klý­bynyń qoldaýymen «Damý» qory men «Capital Bank Kazakhstan» AQ birlesip júzege asyryp otyr. Buǵan deıin Jansaıa Ábdimáliktiń Shahmat akademııasy 2014 jyly Almaty qalasynda ashylǵan bolatyn. Akademııa qyzmeti Qazaqstanda shahmat sportyn damytýǵa, ony­men aınalysyp jatqan jetkin­shekterdiń kásibı deńgeıin kóterýge, osy salada sapaly bilim berýge baǵyttalǵan. Sonymen qatar, aka­demııa óz qyzmetin júzege asyrý barysynda áleýmettik jobalardy damytýdy qarastyryp keledi, atap aıtqanda, áleýmettik jaǵynan az qamtylǵan jáne kópbalaly otbasylardan shyqqan balalardy shahmat ónerine baýlý, aýtızm dertine shaldyqqan balalarǵa shahmat oıynyn úıretý sekildi qaıyrymdy isterdi turaqty atqarýdy óz min­detterine alǵan. Akademııa tár­bıe­lenýshilerine Qazaqstan, Grýzııa, Ýkraına elderiniń jetekshi jat­tyqtyrýshylary bilim beredi. Qazirgi tańda shákirtter sany 300 adamnan asyp otyr. Olardyń kóbi respýblıkalyq týrnırler men álem birinshilikteriniń jeńimpazdary men júldegerleri. Shahmat akademııasy fılıa­lynyń ashylý rásiminde sóz alǵan Qazaqstan Respýblıkasy Shahmat federasııasynyń prezıdenti Ǵa­lymjan Esenov, «Capital Bank Kazakhstan» AQ Basqarma tóraǵasy Ǵanı О́zbekov, shahmattan 12 márte Álem chempıony atanǵan Anatolıı Karpov sporttyń bul túrine eli­mizde jaqsy qoldaý taýyp otyr­ǵandyǵyn aıta kelip, kórshiles elder sekildi, bizde de shahmatty mektep baǵdarlamasyna engizý týraly usynystaryn jetkizdi. Qanat ESKENDIR, «Egemen Qazaqstan». ALMATY.