Dostastyq aıasyndaǵy is-sharalar

Qazaqstan Respýblıkasy Premer-Mınıstriniń birinshi orynbasary Baqytjan Saǵyntaev Máskeýde Táýelsiz Memleketter Dostastyǵy Ekonomıkalyq keńesiniń 69-shy otyrysynyń jumysyna qatysty, dep habarlady Premer-Mınıstrdiń baspasóz qyzmeti. Is-shara barysynda eko­no­mı­kalyq yntymaq­tas­tyq­tyń keń aýqymdy máseleleri talqy­lan­dy. Atap aıtqanda, TMD Eko­nomıkalyq keńesiniń músheleri Shartqa qatysýshy memleketter arasyndaǵy erkin saýda aımaǵy, memlekettik satyp alýlardy retteý erejeleri men prosedýralary týraly kelisim hattamasynyń, Elektr energetıkasy nysandaryndaǵy apattar týraly aqparat almasý týraly kelisimniń, TMD memleketteri yn­­ty­­maq­tastyǵynyń hımııa óner­ká­sibi salasyndaǵy tujyrym­da­ma­synyń jobalaryn talqylady. Munyń syrtynda otyrys­qa qatysýshylar TMD memleket­teriniń atom energııasyn beı­bit maq­sattarda paıdalaný sala­syn­daǵy ıadrolyq jáne ra­dıa­sııalyq qaýipsizdigi tujyrym­damasyn júzege asyrý jónindegi birin­shi kezekti is-sharalar jos­paryn, sondaı-aq, Dostastyq mem­le­ketteriniń 2016-2020 jyldary jer qoınaýyn barlaý, paıdalaný jáne qorǵaý jónindegi birlesken jumystarynyń perspektıvaly josparyn talqylady. Atalǵan qujattar elderdiń energetıka jáne geologııalyq barlaý salasyndaǵy yntymaqtastyǵyn keńeıte túsýge baǵyttalǵan. Keńes músheleri, sondaı-aq, TMD-ǵa múshe memleketterdiń 2020 jylǵa deıingi kezeńge arnalǵan memleketaralyq ınnovasııalyq yntymaqtastyq baǵdarlamasyn júzege asyrý barysymen de tanysty.