...zaýyttyń qurylysy bastalady
Jetisý jerinde taǵy bir jańa zaýyt qurylysy qolǵa alynatyn boldy. Oblys ákimi kórshiles Qytaıdyń «Vest-sement» korporasııasynyń prezıdenti Djımın Jangty qabyldap, Kerbulaq aýdanynda salynatyn jańa zaýyt jaıly áńgime órbitti.
«Vest-sement» korporasııasy Londonnyń qor bırjasynda tirkelip, ár elde 8 sement zaýyty jumysyn jalǵastyrýda eken. Olarda jylyna 15 mln. tonna sement óndirilse, onyń 6 mln. tonnasy eksportqa shyǵarylyp, tutynýshy suranysyn qanaǵattandyrǵan. О́tken jyldy 2 mlrd. dollar paıdamen aıaqtaǵan korporasııanyń prezıdenti sement óndirýge qajetti shıkizat jetkilikti Kerbulaq aýdanynyń aýmaǵynda bıyl zaýyt qurylysyn bastaý týraly josparlarymen de bólisti.
Sement zaýytyn salý eki jaqqa da tıimdi. Onyń mańyzy sonda, qosymsha jumys ornyn ashýmen qatar, oblys ekonomıkasyna ákeletin paıdasy zor.
Kúmisjan BAIJAN, Almaty oblysy.
...gaz qubyry jetkizildi
Terekti aýdanyna qarasty Aqjaıyq aýylyna negizgi magıstral – Novopavlovtan uzyndyǵy 78 shaqyrym gaz qubyry jetkizildi. Munda bes myńǵa jýyq turǵyn bar. Qazirdiń ózinde alǵashqy úılerge kógildir otyn kirgizildi. Osy aýylda týyp-ósken qazaqtyń aqyn qyzy Aqushtap Baqtygereeva óz tilegin bylaısha jetkizdi.
– Aýylyma kelgen saıyn zamandastarym men sińlilerimniń tezek jaǵyp, kúl shyǵaryp júrgenin kórgende júregim syrqyraıtyn edi. Endi mine, búgin tabıǵı gazdyń janyp jatqanyn kórdim. Tamasha aýrýhana salynypty. Jol jóndelip jatyr eken. Senderdiń júzderińdegi qýanyshty kórgenge sheksiz baqyttymyn.
Temir QUSAIYN, Batys Qazaqstan oblysy.
...mektepke deıingi ortalyq
Aqtóbe qalasynyń Kirpishti aýdanynda ashylǵan ortalyq «Arýjan» dep atalady. Qarǵaly ózeniniń ásem jaǵalaýynda ornalasqan ortalyqta búldirshinderdiń bilim alyp, til bilýine jáne ózge de óner túrin úırenýlerine barlyq jaǵdaı jasalǵan. Jalpy, kólemi 2 myń sharshy metr bolatyn úsh qabatty ortalyqta jeke oqý, oıyn, demalatyn bólmelermen birge, mýzyka jáne sport zaly, medısınalyq pýnkt jumys isteıdi.
Ol derbes jylý júıesi arqyly jylytylady. Ǵımarat beınebaqylaý júıesimen jabdyqtalǵan. Ortalyqtyń aýmaǵynda sport, fýtbol, basketbol, voleıbol alańy men shańǵy joly jáne muz aıdyny bar. 150 oryndyq ortalyqtyń quryltaıshysy — «Symbat» jeke mekemesi.
Satybaldy SÁÝIRBAI, Aqtóbe oblysy.