ShYMKENT. 28 naýryz. Ońtústik Qazaqstan oblysynda el Táýelsizdiginiń 25 jyldyǵyna oraı oblystyq «Naýryz» atty dástúrli án oryndaýshylar baıqaýy ótti. Bul týraly egemen.kz tilshisi habarlady.
Ulttyq dástúrdi nasıhattap, jas ánshilerdi qoldaý maqsatynda uıymdastyrylǵan dástúrli ánshiler baıqaýyna 16-30 jas aralyǵyndaǵy 16 úmitker qatysty.
Dástúrli án delingenimen onyń da, ozyǵy men tozyǵy bar. Qazylar alqasy oryndaýshynyń daýysynan bólek tańdaǵan shyǵarmasynyń mazmuny men mánine, sahnada ózin ustaýyna da nazar aýdardy.
Baıqaý qortyndysy boıynsha bas júldeni Sozaq aýdanynyń úkilep qosqan úmiti Eldos Júsipov alsa, birinshi oryn shymkenttik Aqjol О́serbaıǵa buıyrdy. Al, ekinshi jáne úshinshi júldeli oryndy saıramdyq Móldir Izenova men otyrarlyq Shoqan Teńlibaev bólisti.
Baqtııar Taıjan.
Derek, sýret: egemen.kz