Qaıta jaraqtandyrylyp, qýaty artty

Táýelsizdik tartýy «Aqtóbe metall quryl­ǵy­la­ry zaýyty» JShS-niń jumys istep turǵan kásipornyn qaıta jaraqtandyrý jumystary aıaq­ta­lyp, paılalanýǵa berildi. Bul joba qalany údemeli ın­dýs­trııalyq-ınnovasııalyq da­my­tý baǵdarlamasy aıasynda jú­zege asyryldy. Oǵan sa­lyn­ǵan ınvestısııa kólemi 350 mıl­lıon teńgeni qurady. Qaıta jaraqtandyrý bary­syn­da zaýyttyń óndiristik qýa­tyn ulǵaıtý, osy zamanǵy teh­nologııalyq úderister men baǵ­darlamalyq jumystardy engizý, ónimniń jańa túrlerin shy­ǵarýdy meńgerý, zaýytishilik lo­gıstı­ka­ny ońtaılandyrý jáne óndiris­tiń tıimdiligin art­tyrý jónindegi jumystar júrgizil­di. Jańa korpýs turǵyzyldy, 1000 KVt ara­lyq stansa paı­dalanýǵa berildi. Zaýyt tehnıkalyq da­my­tý­dyń bekitilgen josparyna sáıkes, osy zamanǵy joǵary teh­nologııalyq jáne dáldigi joǵary qural-jabdyqtarmen qaıta jaraqtandyryldy. At­qa­rylǵan is-sharalardyń ar­qa­synda kásiporynnyń joǵary sapaly metall qurylǵylaryn óndirý qýaty eki esege ósip, aıyna 1000 tonnaǵa jetti. Shy­ǵarylatyn ónimniń negizgi túr­le­riniń arasynda bazaltty tal­shyqty jylytqyshy bar «sendvıch» tıpindegi qabyrǵa jáne tóbe jabatyn panelder bar. Olar turǵyn úı, qoǵam­dyq jáne óndiristik ǵımarat­tar­dyń syrtqy qabyrǵala­ry­na, tóbe­lerine, shatyrlaryna jáne qa­byr­ǵalar arasyna arnalǵan. Zaýyt bıiktigi 200-den 1300 mm-ge deıin bolatyn dáneker­le­netin bolat dvýtavrlar, mu­naı, munaı ónimderin, aýyz sý jáne tehnıkalyq sý, qysh­qyl­dar saq­taý­ǵa arnalǵan jer asty jáne jer betindegi syıym­dylyq­tar­dy shyǵarady. Sony­men qatar, qoı­malar, ón­diristik sehtar, saýda keshenderi sııaqty óner­ká­sip­tik metall quryl­ǵy­la­ryn daı­yn­­daıdy. Ká­siporyn qaıta ja­raq­­tandy­ryl­ǵannan keı­in qo­sym­sha jańa jumys oryndary ashyldy. Satybaldy SÁÝIRBAI, Aqtóbe oblysy.