Sý tasqynynan japa tartqandarǵa gýmanıtarlyq kómek kórsetýshilerdiń qatary óńirde kún sanap kóbeıip keledi. Qaıyrymdylyq aksııaǵa alǵashqylardyń qatarynda oblystyq ishki ister departamentiniń qyzmetkerleri ún qatty. Olar qarǵyn sýdan qatty zardap kórgen Taıynsha aýdanynyń turǵyndaryna gýmanıtarlyq kómek jóneltti. Sheshim ofıserler jınalysynda biraýyzdan qabyldanyp, shara jedel túrde júrgizildi. Júk tıelgen kólik OIID bastyǵynyń orynbasary, polısııa polkovnıgi Vıktor Býkreevtiń basqarýymen apat aımaǵyna jetkizilip, azyq-túlikter men kıim-keshekter, qurylys materıaldary aýyl turǵyndaryna taratyldy. Eske sala keteıik, Doneskoe, Iаsnaıa Polıana, Kellerovka, Dobrojanovka aýyldaryn aǵyn sý basyp qalǵan bolatyn. Al, Taıynsha AIIB jeke quramy táýlik boıy jergilikti halyqty týystaryna jáne jergilikti mektepke kóshirýge kómektesti. Balalardy, úı malyn jáne qajetti múlikterdi tasydy.
Joldy shaıyp ketken jerlerde kezekshilik uıymdastyryldy. Qyzyl aı qoǵamynyń jergilikti bólimshesi Kellerovka aýylynyń turǵyndaryna jyly kıimder, gıgıenalyq zattar, azyq-túlik taǵamdaryn úlestirdi. «Álibı» astyq kompanııasynyń jetekshisi Nurlan Tileýbaev 2 mıllıon teńgeniń járdemin jasady.
Oblystyq ákimdiktiń qorynan qarjy bólinip, aıtarlyqtaı zaqym kelgen baspana ıelerine ótemaqy berý bastalyp ketti. Solardyń biri Vladımır Dvoreskıı qarajatqa mal satyp alyp, qosalqy sharýashylyqpen aınalyspaq. Almagúl Abylaıhan da kórsetilgen kómekke dán rıza.
Aımaq basshysy Erik Sultanov tikushaq arqyly sý tasqyny aýqymyn taǵy bir márte baıqap qaıtty. Esil, Aqqaıyń, Qyzyljar aýdandarynda jaǵdaı alańdatarlyq. Sergeev gıdrotorabynda sýdyń deńgeıi bógetten 2 metr, Novonıkolskoe aýylynda 1 metr kóterilgen. О́zen sýy kúre joldyń boıynda ornalasqan Pokrovka eldi mekenine jetip, jaǵalaı qonǵan aýyldar da sý qursaýynda qalǵan. Erik Hamzauly tikushaq bortynda dambalardyń tıisti jerlerin jabdyqtaýǵa tapsyrmalar berip, oblys ortalyǵyndaǵy Zarechnyı jáne Bylǵary zaýyty kentterin sý basý yqtımaldyǵyn atap kórsetti. Soǵan oraı saqtyq sharalaryn kúsheıtýdi, kóshirý oryndaryn daıyndaýdy tapsyrdy. Petropavl sý torabyndaǵy barlyq qaqpalar ashylyp, Esil sýyn bógetsiz ótkizý mindetteri tıisti oryndarǵa júkteldi.
Tilshiler qosynyna túsken sońǵy aqparattar boıynsha oblys ortalyǵymen irgeles Beskól kentiniń birqatar aımaǵyn sý basqany belgili boldy. Santa Barbara shaǵyn aýdanynda 21 úı sý astynda qalǵan. Qarǵyn sý Gýsınoe kólinen kelse kerek. Jol jıegindegi dámhanalardy da sý shaıǵan. Qazir bul mańǵa da qutqarý tehnıkalary men kúshtik qurylymdar jumyldyrylǵan.
О́mir ESQALI,
«Egemen Qazaqstan».
Soltústik Qazaqstan oblysy.