Basqarýdyń jer ústi kesheninde boldy

Parlament Senaty Halyqaralyq qa­tynastar, qorǵanys jáne qaýip­sizdik komıtetiniń músheleri Aqmola oblysynda ornalasqan Aqkól «Res­pýb­lıkalyq ǵaryshtyq baılanys orta­lyǵy» jer ústi basqarý kesheniniń qyz­metkerlerimen kezdesti. Senatorlar kezdesý barysyn­da tele­kom­mýnıkasııalyq «Kaz­Sat-2» jáne «KazSat-3» serik­­terin basqarýdy qamtamasyz etetin «Aqkól» jer ústi basqarý keshe­ni­niń bólim­shelerimen tanysty. Halyqaralyq qatynastar, qorǵanys jáne qaýipsizdik ko­mıtetiniń tóraǵasy Ikram Adyr­bekov ujymdy Dúnıejúzilik avıa­sııa jáne kosmonavtıka kúnimen quttyqtady. Ol 10 naý­­ryzda Senat «Qazaqstan Respýblıkasynyń keı­bir zań­na­malyq aktilerine ǵarysh qyz­meti máseleleri boıynsha ózgerister men tolyqtyrýlar engizý týraly» zań qa­byl­daǵany týraly habardar etti. Qujatta ekonomıka, azamattyq qorǵanys, qorshaǵan orta, geodezııa jáne kartografııa, sáýlet jáne qala qurylysy salalarynda ǵarysh qyzmetiniń nátıjelerin is júzinde paıdalaný úshin qu­qyq­tyq tetikter kózdelgen. Jańa zańdy talqylaý bary­synda aq­pa­rattandyrý deń­geıi kez kelgen memlekettiń qýat­tylyǵy men qaýipsizdigin baǵa­laýdyń mańyzdy belgisi ári ishki jáne syrtqy strategııany ázir­leýdiń mańyzdy quraly ekeni atap ótildi. Táýelsizdik jyldarynda Qa­zaqstan qazirgi zamanǵy ǵa­rysh­tyq ınfraqurylym qalyp­tas­tyrdy, biraq ol odan ári je­til­dirýdi talap etedi. Odan basqa, ǵa­rysh qyzmetindegi  jetistikter men barlyq ınfraqurylymdar mem­leketti damytýǵa jáne ny­ǵaı­týǵa jumys isteýi qajet. Bul osy zańdy qabyldaýǵa sebepterdiń biri boldy. Senator I.Adyrbekov, son­daı-aq, ǵarysh­tan túsirilgen sý­retterdi paıdalaný salasynda ǵarysh júıesiniń ónimderi men qyzmetin paıdalaný aıasyn keńeıtý jáne memleket pen jeke sektordyń áriptestigin ul­ǵaıtý qajettigin atap ótti. So­nymen qatar, ǵarysh júıesin qurý barysynda qazaqstandyq úlesti ulǵaıtý, ǵaryshtyq ınfra­qurylymnyń jer ústindegi otan­dyq nysandaryn, onyń ishinde ǵarysh tehnıkasynyń arnaýly konstrýktorlyq-tehnologııalyq bıýrosyn kóbeıtý qajet. Kezdesý sońynda alǵa qoıyl­ǵan min­det­terdi iske asyrý barysynda týyndaıtyn, zańnamalyq qoldaýdy talap etetin ózek­ti máselelerdi sheshýde senatorlar járdem­de­sýge ázir ekeni atap ótildi, dep habarlady Parlament Senatynyń baspasóz qyzmeti.