ASTANA. 21 sáýir. Astanada XIII Eýrazııalyq medıa forým bastaldy. Bul týraly egemen.kz tilshisi habarlady. Bıylǵy basqosýda álemdik ekonomıkanyń bolashaǵy, alpaýyt elderdiń jańa saıası múddeleri sııaqty kópshilikti tolǵandyryp júrgen máseleler talqylanady.
Sonymen birge EAMF-2016 baǵdarlamasy aıasynda delegattar «Taıaý Shyǵystaǵy ózgeristerdiń saldary», «Eýropalyq odaqqa (EO) múshe bolý: aqıqat pen ańyz», «EO-nyń ydyraýy men osy úrdistiń jappaı sıpat alý yqtımaldyǵy», «Munaı elderiniń jańa ımıdji men el brendi quny» degen taqyryptarda baıandama jasap, óz pikirlerin bildiredi.
Medıa forýmnyń jumysyna 400-den astam delegat qatysady. Sonyń ishinde Aýǵanstannyń burynǵy prezıdenti Hamıd Karzaı, Ulybrıtanııanyń burynǵy syrtqy ister mınıstri Djek Stro sııaqty tanymal saıasatkerler bar. EAMF uıymdastyrý komıtetiniń tóraıymy Darıǵa Nazarbaeva Eýrazııalyq medıa forým belgili saıasatkerler men jýrnalısterdiń basyn qosyp, Shyǵys pen Batys arasynda ózara túsinistikti qalyptastyrýǵa atsalysady. Biz asa mańyzdy jańalyqtar legimen jumys isteımiz», dedi.
Eýrazııalyq medıa forýmdy uıymdastyrý komıtetiniń málimetine qaraǵanda, osy sharaǵa qatysý úshin Qazaqstanǵa álemniń 50 elinen 30 spıker men 400 delegat keldi. Buqaralyq aqparat quraldarynyń 400-den astam ókili forýmnan habar taratatyn bolady.
Forýmdy EAMF-2016 uıymdastyrý komıtetiniń tóraıymy, Premer-Mınıstrdiń orynbasary Darıǵa Nazarbaeva sóz sóılep, ashty. Odan keıin kún tártibindegi máselelerdi talqylaý bastaldy.
Dastan Kenjalın.
Derek, foto: egemen.kz