QARAǴANDY. 21 sáýir. Qaraǵandy oblysynda 67 bas jylqy urlaǵan eki er adam bes jylǵa bas bostandyqtarynan shartty túrde aıyryldy. Bul týraly Qarqaraly aýdandyq sotynyń baspasóz qyzmetine silteme jasaǵan egemen.kz tilshisi habarlady.
Qarqaraly aýdanynyń eki turǵyny sharýa qojalyqtarynyń birindegi 67 bas asyl tuqymdy jylqy malyn aıdap áketken. Keltirilgen shyǵynnyń kólemi 16,5 mıllıon teńgeni qurady.
Qaraqaraly aýdandyq soty aıyptaýshylardy Qylmystyq kodekstiń 175-baby, 4-tarmaǵy boıynsha kináli dep taýyp, 3 jyl synaq merzimin qoldana otyryp, 5 jylǵa shartty túrde bas bostandyqtarynan aıyrdy.
Sot úkim shyǵararda urylardyń keltirilgen shyǵynnyń ornyn óz erikterimen toltyrǵanyn, ózderiniń kinálaryn tolyq moıyndap, isterine ókinetinin eskergen.
Úkim óziniń zańdy kúshine áli engen joq.
Qaırat Ábildınov.
Derek: Qarqaraly aýdandyq sotynyń baspasóz qyzmeti.
Foto: mediasat.info.