ASTANA. 21 sáýir. Nıgerııanyń soltústik-shyǵysyndaǵy Zango eldi mekeninde «Boko Haram» lańkestik uıymynyń shabýylynan 11 adam mert boldy. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
Kýágerlerdiń aıtýynsha, sodyrlar túnde beıbit turǵyndarǵa oq jaýdyrǵan. Osynyń saldarynan baspanalaryn tastap, ormanǵa qashýǵa májbúr bolǵan. Ekstremıster úılerdi qıratyp, qystaqty túgelimen órtep ketti.
Mundaı jaǵdaı osydan eki apta buryn Gýlanı aımaǵynda da bolǵan. Ol kezde terrorlyq áreketten 20 adam opat boldy.
Aıta keteıik, bul toptyń terrorlyq shabýylynan 2009 jyldan beri 20 myńǵa jýyq adam mert bolyp, ondaǵan myńy túrli deńgeıde jaraqat alǵan. «Boko Haram» kóbine Kamerýn, Nıgerııanyń soltústik bóliginde jáne Chad elderinde shabýyl jasaıdy.
Aıan Ábdýálı.
Derek, foto: RIA «Novostı».