ASTANA. 21 sáýir. AQSh-ta rıtm-end-blıýz stılinde án shyrqaıtyn tanymal Prıns Rodjers Nelson 58 jasynda qaıtys boldy. Bul týraly TASS aqparat agenttigine silteme jasaǵan egemen.kz tilshisi habarlady.
Onyń agenti Ivett Noel-Shýre Prınstiń denesi Mınneapolıs qalasyna taıaý jerdegi óz úıinde tabylǵanyn málimdedi. Ánshiniń neden qaıtys bolǵany ázirge belgisiz. Alaıda, sońǵy aptalarda tumaý aýrýymen aýyryp júrgeni belgili bolatyn. Osyǵan baılanysty 15 sáýir kúni onyń jeke ushaǵy jaǵdaıynyń kúrt nasharlaýyna baılanysty Illınoıs shtatyna qonýǵa májbúr bolǵan. Biraq kelesi kúni ol tyńdarmandarynyń aldynda konsertin ótkizdi.
Prıns Rodjers Nelson 1982 jyly óziniń «1999» degen atpen shyqqan albomynyń arqasynda búkil álemge tanylǵan. Tyńdarmandary ony áıgili Maıkl Djeksonnan keıingi daryndy ánshi dep esepteıtin. Talantynyń arqasynda «Oskar», «Gremmı» jáne «Altyn globýs» syndy birqatar júldelerdiń jeńimpazy atanǵan.
Aıan Ábdýálı.
Derek: TASS.
Foto: pinterest.com.