ASTANA. 15 mamyr. Shvesııa astanasy Stokgolmde ótken «Eýrovıdenıe-2016» án baıqaýynda Ýkraına ánshisi Djamala jeńimpaz atandy. Bul týraly TASS aqparat agenttigine silteme jasaǵan egemen.kz tilshisi habarlady.
Baıqaýda ol «1944» ánin shyrqady. Nátıjesinde 534 upaı jınap, jeńimpaz atandy. Djamala opera jáne djaz ánshisi. Osydan 6 jyl buryn, ıaǵnı 2009 jyly Latvııanyń Iýrmala qalasynda ótken «Jańa tolqyn» jas oryndaýshylardyń halyqaralyq konkýrsynda bas júldeni jeńip alǵannan keıin tanymal bola bastady.
Jarys qorytyndysy boıynsha, ekinshi oryn Avstralııa ánshisi Demı Imge buıyrsa, úzdik úshtikti Reseı ánshisi Sergeı Lazarev túıindedi.
Qorytyndy kezeńde 26 ánshi baǵyn synady: eki jartylaı fınaldan 10 jeńimpaz, sonymen qatar Shvesııada ótip jatqany úshin osy memlekettiń ánshileri ári «úlken bestik» (konkýrstyń negizin qalaǵandar men demeýshileri) Ulybrıtanııa, Germanııa, Ispanııa, Italııa jáne Fransııa elderiniń ánshileri qatysty.
Aıan Ábdýálı.
Derek, foto: TASS.