Erbolat Dosaev «Báıterek» holdınginiń basqarma tóraǵasy bolyp taǵaıyndaldy

ASTANA. 16 mamyr. Elimizdiń burynǵy Ulttyq ekonomıka mınıstri Erbolat Dosaev «Báıterek» Ulttyq basqarýshy holdıngi basqarmasynyń tóraǵasy bolyp taǵaıyndaldy. Bul týraly inform.kz-ke silteme jasaǵan egemen.kz tilshisi habarlady. Holdıng basshysyn ujymǵa búgin Premer-Mınıstr Kárim Másimov tanystyrdy. Erbolat Dosaev 1970 jyly 21 mamyrda Almatyda týǵan. N.Baýman atyndaǵy Máskeý joǵary tehnıkalyq ýchılıshesin, Almaty energetıkalyq ınstıtýtyn bitirgen «Turan Álem Banki», «ATF Bank» jabyq aksıonerlik qoǵamy basqarmalary tóraǵasynyń orynbasary, qyzmetterin atqardy. Premer-Mınıstrdiń keńesshisi, Energetıka, ındýstrııa jáne saýda vıse-mınıstri, Qarjy vıse-mınıstri, Qazaqstan Damý banki dırektorlar keńesiniń tóraǵasy, Tabıǵı monopolııalar, básekelestikti qorǵaý jáne shaǵyn bıznesti qoldaý agenttiginiń tóraǵasy, Qarjy mınıstri, Qazaqstandaǵy Eýropalyq qaıta qurý jáne damý bankiniń basqarýshysy, Ulttyq Bankiniń basqarma múshesi, Densaýlyq saqtaý mınıstri, «Qazınvestbank» aksıonerlik qoǵamy dırektorlar keńesiniń tóraǵasy boldy. 2012 jylǵy 25 qyrkúıekten Ekonomıkalyq damý jáne saýda mınıstri, Ekonomıka jáne bıýdjettik josparlaý mınıstri qyzmetterin atqardy. Ol sondaı-aq, Ulttyq ekonomıka mınıstrligin basqardy. Talǵat Raıymbek. Derek: inform.kz. Foto: 365info.kz.