Aqyn eńbegine laıyqty baǵa

Elbasy Nursultan Nazarbaev aqyn, qoǵam qaıratkeri Oljas Súleımenovpen kezdesti, dep habarlady Prezıdenttiń baspasóz qyzmeti. Nursultan Nazarbaev O.Súleımenovti 80 jyldyq me­reıtoıy­­men quttyqtap, onyń otandyq zııal­y qaýymnyń kórnekti ókili ekenin atap ótti. – Naǵyz zııaly bilimdi ǵana bolyp qoımaı, eń bastysy – qýanyshta da, qıyn sátterde de árdaıym jurtpen birge bolyp, ar-namystyń úlgisin kórsetedi, sol arqyly halyq birligi men memleket qýatyn saqtaıdy. Siz «Nevada-Semeı» qozǵalysyn basqardyńyz jáne Semeı ıadrolyq polıgonyn jabý isinde zor kómek kórsettińiz. Keıingi jyldary da jeńil bolǵan joq. Qazaqstan shekara­synyń demarkasııasyn júrgizip, táýelsizdigin nyǵaıtý kerek boldy. Bul iste de sizdiń úle­sińiz bar. Búginde zııaly qaýym ókil­deri men búkil jastarymyz úshin úlgi bolyp otyrsyz, – dedi Memleket basshysy. Kezdesý barysynda Nursultan Nazarbaev otandyq ádebıetti damy­týǵa aıryqsha úles qosqany úshin, sondaı-aq, tatýlyq pen aza­mattyq kelisimdi nyǵaıtýǵa baǵyt­talǵan bel­sendi qoǵamdyq qyz­meti úshin O.Súleımenovke «Qazaq­stannyń Eńbek Eri» Altyn Juldyzyn tapsyrdy. Memleket basshysy aqynǵa myqty densaýlyq, otbasy baqytyn jáne shyǵarmashylyq tabys tiledi. O.Súleımenov joǵary ataq be­ril­­ge­ni úshin alǵysyn bildirdi jáne bul búkil Qazaqstan áde­bıetin qol­daý­­­dyń kórinisi ekenin aıtty. Ol, son­­­­daı-aq, óz shyǵar­malarynyń bar­ly­­ǵy halyq pen eldiń ıgiligin art­ty­­rý nıetimen jazyl­ǵanyn atap, mem­­le­ketimizge ba­qytty bolashaq tiledi. Sýretterdi túsirgender S.BONDARENKO, B.OTARBAEV