QOSTANAI. 19 mamyr. Qostanaıda memlekettik tilden ashyq dıktant ótti. Oǵan qatysqan 80 adamnyń 20-sy «úzdik» degen baǵaǵa jazyp shyqty. Bul týraly oblys ákimdigi «Qoǵamdyq kelisim» mekemesiniń baspasóz qyzmetine silteme jasaǵan egemen.kz tilshisi habarlady.
Qazaqstan halqy Assambleıasy el Táýelsizdiginiń 25 jyldyǵyna arnap uıymdastyrdy. Memlekettik tilden dıktant oblys ortalyǵyndaǵy L.Tolstoı atyndaǵy ámbebap kitaphanada, sonymen qatar barlyq joǵary oqý oryndarynda jáne aýdandyq kitaphanalarda ótti. Dıktant mátini «Máńgilik el – patrıottyq aktisi» degen taqyrypta boldy.
Dıktant mátinin oqyǵan, teksergen fılologııa magıstrleri men oqytýshylardyń pikirinshe, mátin tynys belgisi jaǵynan kúrdeli boldy. Alaıda, oǵan qatysqandar jaqsy jazyp shyqty deýge bolady. Dıktant jazyp, memlekettik tilden óz bilimin teksergenderdiń arasynda memlekettik qyzmetkerler, qoǵamdyq belsendiler, stýdentter, oqýshylar, etnomádenı ortalyqtardyń ókilderi jáne jergilikti ultpen qatar túrli ulttar ókilderi boldy.
«Dıktantty úzdik jazǵandar arasynda etnomádenı birlestikter ókilderi de bar. Ásirese stýdentter men mektep oqýshylary óte jaqsy jazdy», – dedi «Qoǵamdyq kelisim» memlekettik mekemesi ultaralyq qatynastar salasyn ǵylymı-saraptaý, baqylaý jáne taldaý bóliminiń jetekshisi Raısa Zavgorodnıaıa.
Dıktantty «beske» jáne «tolyq tórtke» jazǵandarǵa «alǵys hattar» tapsyryldy.
Názıra Járimbetova.
Derek, foto: Qostanaı oblysy ákimdigi «Qoǵamdyq kelisim» mekemesiniń baspasóz qyzmeti.
