Atyraýda sheneýnik 11 mıllıon teńge aıyppul tóleıdi

ATYRAÝ. 19 mamyr. Atyraý qalalyq №2 sotynyń úkimimen oblystyq memlekettik eńbek ınspeksııasy basshysynyń burynǵy orynbasary Álipqalı Dáýletıarovqa 11 mln. teńge kóleminde aıyppul salý jazasy taǵaıyndaldy. Bul týraly oblystyq sottyń baspasóz qymetine silteme jasaǵan egemen.kz tilshisi habarlady. «Atyraý oblystyq sybaılas jemqorlyqqa qarsy qyzmet departamentiniń jedel-tergeý tobymen Álipqalı Daýletıarov «Bilim Arnasy» jaýapkershiligi shekteýli seriktestiginiń dırektorynan qaýipsizdik jáne eńbekti qorǵaý máseleleri boıynsha emtıhannyń qujattaryna qol qoıý úshin para alý ústinde áshkerelengen. Atyraý qalalyq №2 sotynyń úkimimen Álipqalı Daýletıarov Qylmystyq kodektniń 366-babynyń 2-bóligimen kináli dep tanylyp, onyń qylmystyq jolmen tabylǵan qarajatqa satyp alǵan múlki memlekettiń menshigine tárkilendi. Memlekettik qyzmet salasynda laýazymdardy atqarý quqyǵynan ómir boıyna aıyra otyryp, paranyń 40 eselengen somasy mólsherinde – 11 mln. teńge aıyppul salý jazasy taǵaıyndaldy» dep habarlady Atyraý oblystyq sotynyń baspasóz hatshysy Boranbaı Ǵalıev. Joldasbek Shópeǵul. Derek: Atyraý oblystyq sotynyń baspasóz qyzmeti. Foto: today.kz.