Soltústik Qazaqstanǵa Rýmynııadan ınvestorlar keldi

PETROPAVL. 26 mamyr. Soltústik Qazaqstan oblysy ákiminiń orynbasary Muhtar Mankeev Rýmynııa delegasııasymen kezdesip, ınvestısııalyq áleýetti damytý jaıly áńgimelesti. Bul týraly oblystyq ákimdiktiń baspasóz qyzmetine silteme jasaǵan egemen.kz tilshisi habarlady. Birqatar agroónerkásip keshenderiniń jumys tájirıbesimen tanysqan sheteldik kásipkerler Qazaqstanda tartymdy ınvestısııalyq ahýal qalyptasqanyn atap ótti. О́z kezeginde Muhtar Mankeev aýyl sharýashylyǵy salasy oblys ekonomıkasynyń negizin quraıtynyn, dándi daqyldar alqabynyń kólemi 4,8 mıllıon gektar ekenin jetkizdi. Bul Rýmynııadaǵy barlyq egistiktiń teń jartysyn quraıdy. Elimizde jınalatyn astyqtyń úshten biri oblysqa tıesili. Rýmynııa delegasııasynyń jetekshisi «Mámbetov jáne K», «Abı-Jer», «Taıynsha-astyq» sharýashylyqtarynyń egistik alqaptaryn aralaǵanyn, memleket tarapynan sharýalarǵa oıdaǵydaı qoldaý kórsetilip otyrǵanyn aıtty. Oblys ákiminiń orynbasary ınvestısııa tartý boıynsha 25 memlekettiń ókilderimen kellissózderge qol jetkizilgenin tilge tıek etti. Eki tarap ınvestısııalyq qarajat quıý máseleleri boıynsha kelisimderge qol qoıdy. О́mir Esqalı. Derek, foto: Soltústik Qazaqstan oblysy ákimdiginiń baspasóz qyzmeti.