ASTANA. 1 maýsym. Búgin Shveısarııanyń Lozanna qalasynda Halyqaralyq boks qaýymdastyǵynyń (AIBA) kezekten tys kongresi ótti. Bul týraly egemen.kz tilshisi habarlady.
Kongreste qaýymdastyqtyń jarǵysyna túzetýler engizildi. Endi kásipqoı boksshylar áýesqoı boks jarystaryna qatysa alady.
Qazaqstannan atalǵan jıynǵa Boks federasııasynyń atqarýshy dırektory Bekjan Bektenov, halyqaralyq baılanys jónindegi úılestirýshi Dınara Bolatbekqyzy, Azııa boks konfederasııasynyń prezıdenti Serik Qonaqbaev qatysty. Jalpy, kongreste 88 eldiń federasııalary daýys berdi. Sonyń ishinde 84 eldiń ókilderi kásipqoı boksshylardyń Olımpıadaǵa qatysýyn qoldasa, 4 memlekettiń ókili daýys berýden bas tartty. Endi jarǵyǵa sáıkes, kez-kelgen kásipqoı boksshy jasyna qaramaı, Olımpııa oıyndaryna qatysa alady. Buǵan deıin kásipqoı boksshylar Olımpıadaǵa 15 jekpe-jek ótkizip qana qatysa alatyn.
Osyǵan baılanysty Halyqaralyq boks qaýymdastyǵy (AIBA) 4 – 9 shilde aralyǵynda Venesýelada APB/WSB jobasy boıynsha taǵy bir irikteý týrnırin ótkizýdi josparlap otyr. Onda Olımpıadaǵa 26 lısenzııa sarapqa salynady.
Dastan Kenjalın.
Derek, foto: Qazaqstan boks federasııasynyń baspasóz qyzmeti.
