Sákenge arnalǵan ensıklopedııa

Qaraǵandydaǵy «Bolashaq» ýnı­versıteti, Ortalyq  Qazaqstan gý­manıtarlyq ǵylymı-zertteý ıns­tıtýtynyń shyǵarmashylyq toby ázirlegen bul biregeı basylym jaqynda oqyrman qaýym qolyna tıdi. Onyń basty arqaýy – qaısar qalamgerdiń, kórnekti qaıratker­diń ádebıettegi, qoǵamdyq-saıası ómirdegi kúreskerlik is-qyzmetine tyǵyz baılanysty derek-máli­met­terdi tolyq toptastyrýǵa, barlyq týy­ndylarynyń týý, jazylý t­a­rıhyn jan-jaqty tanystyrýǵa arnalǵan. Sonymen qatar jurt­shylyqqa jaqsy tanymal «Abaı, «Shákárim» ensıklopedııa­laryn­daǵydaı ómir súrgen ortasyndaǵy áriptesteri, týǵan-týystary, dos-jarandary, aıalaǵan arýlary, ózin­dik izdeniste, ustanymda, ıdeıalyq oı-maqsatta pikiri úılesken-úı­les­pegen tulǵalar, shyǵarma­laryn­da beınelengen keıipkerler, ondaǵy sýrettelgen jer-sý ataý­lary týra­ly muqııat baıandalady. Bul rette kitaptyń bas redaktory,  zań ǵy­lym­darynyń doktory, professor Nurlan Dýlatbekov uıyt­qylyq etken jergilikti áde­bıetshi, tarıhshy, ólketanýshy ǵa­lym­dar tobynyń yjdaǵatty zert­teý­leri­niń eleýli eńbekke qosyl­ǵan bir úlesi retinde baǵalaýǵa bolar edi. Sábıt Muqanov, Esmaǵambet, Ysmaıylov, Serik Qırabaev, Tur­synbek Kákishev syndy sáken­taný­shylardyń ár jyldarda ja­rııa­lan­ǵan maqalalarymen ashy­lyp, odan ári taqyryp aýqymy jo­ǵaryda atalǵan jaılarǵa qa­tys­­ty­rylyp órilgen ensıklope­dııa­nyń atyna zaty saılylyǵyna qaı oqyrman da kóz jetkize alady. Ultymyzdyń aıaýly arysy jónin­de jazylǵan, zerttelgen eń­bekter az emestigin bilemiz. So­lardyń sho­ǵyrly ortasynda osy­naý týyndynyń jóni de, máni de bólek bolaryna senim bar. Sóz oraıynda aıta ketsek, Sá­ken­ge arnap  ensıklopedııalyq ba­sy­lym shyǵarý jóninde oı tas­taǵan Parlament Se­natynyń de­pýtaty Oralbaı Ábdi­kárimovtiń ózi de redaksııalyq alqanyń mú­shesi retinde kólemdi de kúrdeli eńbektiń sa­paly daıyndalýyna úles qosypty. Osyndaı úlken bir eńbekti bitirip, qanattanǵan  «Bolashaq» ýnıversıteti janyndaǵy shyǵar­mashylyq top alǵa jańa maq­sattar qoıyp otyr desek, kezekti izdenis Buqar jyraý, Qaz daýysty Qazybek bı týraly ensıklopedııa ázirleýge baǵyttalǵan. Qazir sol nıettegi is bastalyp ta ketti. Aıqyn NESIPBAI. Qaraǵandy.