Bir otbasyn qylmyskerlerden qutqarǵan polıseı marapattaldy

QOSTANAI. 7 maýsym. Qostanaıdyń Taran aýdanynyń Beregovoe selosynda bir úıli jandy qaskóıdiń qylmystyq áreketinen ajyratyp alǵan ýchaskelik ınspektor, polısııa kapıtany Erlan Tańjaryqov «Erligi úshin» medalimen marapattaldy. Bul týraly oblystyq ishki ister departamenti baspasóz qyzmetine silteme jasaǵan egemen.kz tilshisi habarlady. Oqıǵa ústimizdegi jyldyń 29 aqpany kúni oryn aldy. Sol kúni er adamy joq ylǵı áıelder turatyn otbasyna qaraqshylyq shabýyl jasaǵan buzaqyny oqıǵa ústinde ustap, aýyldastaryn ólimnen qutqaryp qaldy. Buǵan deıin habarlaǵanymyzdaı, ol dál sol kúni ólim men ómirdiń ortasynda jatqan balyqshy men onyń áıelin de ajal tyrnaǵynan aman alǵan edi. Jaqynda Qazaqstan Respýblıkasynyń Prezıdenti Nursultan Nazarbaev ýchaskelik ınspektory Erlan Tańjaryqovty «Erligi úshin» medalimen marapattaý týraly Jarlyqqa qol qoıdy. Ony oblystyq ishki ister departamentiniń bastyǵy, polısııa polkovnıgi Beket Aımaǵambetov ıesine tabys etti. Názıra Járimbetova. Derek, foto: Qostanaı oblystyq ishki ister departamenti baspasóz qyzmeti.