Qorytyndylar qýantady

Halyqaralyq «KADEX» qarý-jaraq pen áskerı-tehnıkalyq múlik kórmesi sheńberinde «Qazaqstan ınjınırıng» UK» AQ búgingi tańda 45 mıllıard teńgege birqatar sheteldik kompanııalar jáne qazaqstandyq kásiporyndarmen uzaq merzimdi yntymaqtastyq týraly kelisim jasasty. «Qazaqstan ınjınırıng» UK» AQ-tyń basshylyǵy, son­daı-aq, enshiles uıymdardyń je­tek­shileri qorǵanys-óner­ká­sibi keshe­niniń ókilderi já­ne shetel memleketteriniń je­tek­shi qarý-jaraq pen áskerı ón­di­rýshilerimen 40-tan asa kezdesý ótkizdi. Sonymen, «Qazaqstan ınjınırıng» UK» AQ-pen kelissóz júrgizý nátıjesinde «405-AJZ» AQ jáne «Reseı tikushaqtary» AQ reseılik óndiristiń tikushaq tehnıkasyna satylymnan keıingi qyzmet kórsetýdi keńeıtý maqsa­tynda 2020 jylǵa deıingi kezeńge birlesken jobalardyń Jol kartasyna qol qoıdy. «Qazaqstan ınjınırıng» UK» AQ pen reseılik «Qorǵanys jú­ıeleri» «Repellent» shaǵyn kólemdi ushqyshsyz ushý apparat­tary jáne «Avtobaza-M» jerústi radıotehnıkalyq barlaý kesheni bar radıoelektrondyq kúres k­e­shen­derin jetkizý aıasynda keli­sim jasasty. «KAE» JShS «STT ǴZI» AQ-pen (RF) kózdeýish keshenderine jylývızııalyq kameralardy ki­rik­­tirý týraly belorýssııalyq «Pelengpen» UUA-ǵa ári qaraı ki­riktirý úshin ınfraqyzyl lınzalar men jylývızııalyq kameralar­dy jetkizý týraly tıisti qujatqa qol qoıyp, ymyraǵa keldi. «S.M.Kırov atyndaǵy zaýyt» AQ pen «Elcom innovations» úndi kompanııasy kórme alańynda radıoelektronıka jáne baılanys aıasyndaǵy yntymaqtastyq týraly, «PZTM» AQ, «Qazaqstan Paramaýnt ınjınırıng» JShS jáne ızraıldik «Elbit Systems» kompanııalary keri serpilisti qurylǵylar men mehanıkalyq jetekteri bar 120 mm mına atqysh negizinde júıeni óndirý bóliginde memorandým jasasty. «Gıdroprıbor» ǴZI» AQ pen ıspanııalyq «SAES» kom­panııa­lary teńiz mınalaryn bir­lesip óndirýdi meńgerýdi jo­­s­parlap otyr. Bul týraly memo­randýmǵa kompanııa basshylary «KADEX-2016» kórmesiniń ekinshi kúni barysynda qol qoıdy. Iri kelisimsharttardyń biri – Mıanmaǵa konversııalyq tehnıkany jetkizý boldy. «Semeı ın­jınırıng» AQ «MCM Pte Ltd» ókilderimen kelisimshart jasasty. Áskerı jáne azamattyq maqsattaǵy jańǵyrtylǵan tehnı­kanyń eksporty týraly taǵy bir memorandýmǵa bolgarııalyq «M­etalıka – AB EOOD» kompanııa­symen qol qoıyldy. «Qazaqstandyq avıasııalyq ındýstrııa» JShS-ǵa (QAI) Mı-2 jáne Mı-8 tikushaqtaryn jań­ǵyrtý boıynsha tehnologııa­lar men Mı-8 tikushaqtaryna ar­nalǵan qozǵaltqyshtardy kúr­deli jóndeýdi berý týraly «Mo­tor Sıch» AQ-pen (Ýkraına) kásip­orynmen kelisimge qol qoıyldy. Sý-25 úlgi­sindegi ushaqty kúr­deli jóndeý men jań­ǵyrtý keli­sim­shartyna belo­rýs­sııalyq «558-avıajóndeý zaýytymen» qol qoıyldy. «Eýrokopter Qazaqstan ınjınırıng» JShS (ESKI) birqatar qazaqstandyq kompanııalar men memlekettik qurylymdarǵa ózi­niń tikushaqtaryn yqtımal jet­kizý týraly ýaǵdalastyqqa qol jetkizdi. ES-125-tiń 7 tikushaǵyn satyp alý jóninde memorandýmǵa Shyǵys Qazaqstan oblysy ákim­diginiń ókilderi ESKI-men qol qoı­dy, ES-130-dyń 18 tikusha­ǵy – «QazMedEır» JShS kom­pa­nııa­synyń basshylyǵy. Sonymen qatar, ESKI «Qazavıaspas» AQ-ta bar ES-145 borttaryna teh­nıkalyq qyzmet kórsetý júrgizýge nıetti. Budan buryn habarlanǵandaı, 2016 jylǵy maýsymnyń 2-si men 5-i aralyǵynda Astanada IV halyq­aralyq «KADEX» qarý-jaraq pen áskerı-tehnıkalyq múlik kór­mesi ótedi. Onyń birlesken uıym­dastyrýshysy «Qazaqstan ınjınırıng» UK» AQ bolyp tabylady. «Qazaqstan ınjınırıng» kompanııasynyń toby bıylǵy jyly kórme qatysýshylaryna 42 birlik áskerı tehnıka, son­daı-aq 95 birlik áskerı jáne aza­mat­tyq maqsattaǵy buıymnyń tusaýyn kesetin 20 kásiporynmen usynylǵan. Sáýlebek BIRJAN